ఆ సమయంలోనే సినిమాలపై వివరణ ఇచ్చిన పవన్ కళ్యాణ్ ఓజీ బాగుంటుంది...చూద్దురు గాని అంటూ సినిమాపై అంచనాలు పెంచే పని చేశారు. తొలుత సినిమాలు చేసే టైం ఉంది అంటారా అంటూ...ఎలాగూ మాట ఇచ్చాం కాబట్టి ..నిర్మాతలకు కూడా చెప్పాను కొంచెం క్షమించాలి అని..మా ఆంధ్ర రాజ్య ప్రజలకు కనీసం కొంత సేవ చేసుకుని కుదిరినప్పుడల్లా మీకు రెండు రోజులో ...మూడు రోజులో షూటింగ్ చేస్తాను. ఎక్కడా పనికి అంతరాయం రాకుండా అంటూ వ్యాఖ్యానించారు. దీంతో మూడు నెలల తర్వాత పవన్ కళ్యాణ్ పెండింగ్ సినిమాల షూటింగ్ ప్రారంభం అయ్యే అవకాశం ఉంది అని తేలిపోయింది. మరో వైపు ఈ పెండింగ్ సినిమాలు పూర్తి చేసిన తర్వాత పవన్ కళ్యాణ్ కొత్త ప్రాజెక్టులకు ఓకే చెపుతారా..లేక పాలనా, పార్టీ వ్యవహారాల్లో బిజీ అవుతారు కాబట్టి కొంత బ్రేక్ తీసుకుంటారా అన్నది తేలాల్సి ఉంది.
ఇక నుంచి తాను పిఠాపురం నియోజకవర్గంలోనే ఉంటానని పవన్ కళ్యాణ్ తెలిపారు. తాను ఎన్నికల్లో గెలిచినా కూడా హైదరాబాద్ లో ఉంటానని వైసీపీ వాళ్ళు దుష్ప్రచారం చేశారని పవన్ విమర్శలు గుప్పించారు. పిఠాపురంలో తాను ఇప్పటికే మూడు ఎకరాలు కొనుగోలు చేసినట్లు తెలిపారు. తాము ఎన్నికల్లో ఇచ్చిన హామీలు అన్ని నెరవేరుస్తాం అని..అయితే తమకు కొంత సమయం ఇవ్వాలన్నారు. పిఠాపురం ప్రజలు ఇచ్చిన గెలుపు దైర్యం గొప్పది అన్నారు. రాష్ట్ర ప్రజలు అంతా కూడా మళ్ళీ కూటమే రావాలి అనేలా తమ పాలనా ఉంటుంది అని తెలిపారు. రాష్ట్ర అభివృద్ధికి అవసరం అయిన నిధులు కేంద్రం నుంచి తెచ్చే బాధ్యతను తాను, చంద్రబాబు బాధ్యత తీసుకుంటామని వెల్లడించారు. తనను అసెంబ్లీ గేట్ కూడా తాకనివ్వను అని వైసీపీ నేతలు సవాళ్లు చేస్తే పిఠాపురం ప్రజలు ఉప ముఖ్యమంత్రిని చేశారు అని వ్యాఖ్యానించారు.