ఎమ్మెల్యే గా ప్రమాణ స్వీకారం చేసే సమయంలో జగన్ తడబడ్డారు. తొలుత జగన్ మోహన్ అనే నేను అని చెప్పి తర్వాత జగన్ మోహన్ రెడ్డి అనే నేను అని ప్రమాణ స్వీకారం చేశారు. ఈ కార్యక్రమం పూర్తి కాగానే అందరికి నమస్కారం చేస్తూ బయటకు వెళ్లిపోయారు. అసెంబ్లీ లో వైసీపీ కి ఉన్న సంఖ్య చాలా పరిమితం అయినందున సభలో పోరాటం చేయటం సాధ్యం అవుతుంది అని అనుకోవటం లేదు అని జగన్ పార్టీ సర్వ సభ్య సమావేశంలో వ్యాఖ్యానించారు. దీంతో జగన్ భవిష్యత్ లో అసెంబ్లీ సమావేశాలకు హాజరు అవుతారా లేదా అన్న అంశంపై అనుమానాలు ఉన్నాయి. దీనిపై స్పష్టత రావాలంటే మరికొంత కాలం ఆగాల్సిందే.