వైసీపీ బిజెపికి అవ‌స‌ర‌మైన ప్ర‌తిసారి పార్ల‌మెంట్ లోప‌లా..బ‌య‌టా సాయం చేస్తూనే ఉంది. అత్యంత కీల‌క‌మైన రాష్ట్ర‌ప‌తి ఎన్నిక‌లోనూ అడిగిందే త‌డ‌వుగా మ‌ద్ద‌తు ఇచ్చారు. అయినా స‌రే జగన్ ప్ర‌తిసారి మోడీకి ఇచ్చే విన‌తిప‌త్రంలోనూ అంశాల్లో మార్పులు ఎందుకు ఉండటం లేదు. దీంతో ప్ర‌తిప‌క్ష పార్టీలు ఆరోపిస్తున్న‌ట్లు సీఎం జగన్ ప్ర‌ధాని మోడీతో స‌మావేశం అవుతున్న అస‌లు ఏజెండా వేరు..బ‌య‌ట‌కు చెప్పే ఏజెండా అంశాలు వేరు అన్న చ‌ర్చ రాజ‌కీయ వ‌ర్గాల్లో సాగుతోంది. లేక‌పోతే కేంద్రంతో అత్యంత స‌న్నిహితంగా ఉన్న జగన్ కేంద్రంపై ఒత్తిడి చేసి కొన్నింటి కొన్ని పనులు కూడా చేయించ‌లేక‌పోతే ఇది రాజ‌కీయంగా వైసీపీకి న‌ష్టం జ‌రిగే అవ‌కాశం ఉంద‌ని ఆ పార్టీ నేత‌లు కూడా వ్యాఖ్యానిస్తున్నారు. నిత్యం ఒకే ఏజెండాతో వెళుతున్న‌ట్లు చెప్ప‌టం ప్ర‌భుత్వ వైఫ‌ల్యం కింద‌కే వ‌స్తుంద‌ని..అదే స‌మ‌యంలో వేరే ప‌నుల కోసమే ప్ర‌ధాని మోడీని క‌లుస్తూ..దీన్ని సాకుగా చూపెడుతున్నార‌ని విప‌క్ష పార్టీలు చేసే విమ‌ర్శ‌ల‌నూ ప్ర‌జ‌లు న‌మ్మే ఛాన్స్ ఉంద‌ని ఓ సీనియ‌ర్ నేత వ్యాఖ్యానించారు.