ఇప్పుడు కేంద్రంలోని మోడీ స‌ర్కారు ఏపీ ప్ర‌భుత్వ వినతి ధ‌ర్మారెడ్డి డెప్యుటేష‌న్ కొన‌సాగింపున‌కు ప్ర‌త్యేక అనుమ‌తి మంజూరు చేసింది. అంటే ఈ లెక్క‌న ఆయన మ‌రో రెండేళ్ల పాటు టీటీడీలో కొన‌సాగ‌బోతున్నారు. ఈ రెండేళ్ళూ ఆయ‌నే పూర్తి స్థాయి ఈవో అదనపు బాద్య‌త‌లు చూస్తార‌ని ప్ర‌చారం జ‌రుగుతోంది. వాస్త‌వానికి ఇందులో సీనియ‌ర్ ఐఏఎస్ ల‌ను మాత్ర‌మే నియ‌మిస్తారు. అది కూడా రాష్ట్రానికి చెందిన వారినే నియ‌మించే సంప్ర‌దాయం ఉండ‌గా..చంద్రబాబు హ‌యాంలో దీన్ని బ్రేక్ చేశారు. ఇప్పుడు సీఎం జ‌గ‌న్ రాష్ట్రంలో ఐఏఎస్ లు ఎవ‌రూ ఈ పోస్టుకు అర్హులు కారు అన్న చందంగా నాన్ ఐఏఎస్ ..అస్మ‌దీయుడు అయిన ధ‌ర్మారెడ్డిని అదనపు బాధ్య‌త‌ల పేరుతో ఈవోగా కొన‌సాగిస్తున్నారు. ఇది ఏ మాత్రం స‌రైన సంప్ర‌దాయం కాద‌ని అధికార వ‌ర్గాలు మండిప‌డుతున్నాయి. అయినా ఎవ‌రూ నోరు తెరిచి మాట్లాడే సాహసం చేయ‌ర‌న్న సంగ‌తి తెలిసిందే.