ఈ సమావేశంలో సీఎం జగన్ సంచలన వ్యాఖలు చేశారు. కేంద్రం తో తమ అనుబంధం రాజకీయాలకు అతీతం అన్నారు. తమకు రాష్ట్ర ప్రయోజనాలు తప్ప మరొకటి ఉండదన్నారు. పెద్ద మనసుతో మీరు చూపే ప్రేమ ప్రజలంతా గుర్తు పెట్టుకుంటారు అని జగన్ వ్యాఖ్యానించారు. ఆంధ్ర ప్రదేశ్ విషయం లో కేంద్రం చేయాల్సినవి చేయక పోయినా ఒక వైపు ప్రభుత్వం ఫుల్ పేజీ ప్రకటనలో మోడీ ఆంధ్ర ప్రదేశ్ కు అండగా నిలుస్తున్నారని చెప్పటం ఒకెత్తు అయితే..కేంద్రంతో తమ అనుబంధం రాజకీయాలకు అతీతం అని ప్రకటించటం మరో కీలక ప్రకటనగా మారింది. విభజన వాళ్ళ నష్ట పోయిన ఆంధ్ర ప్రదేశ్ కు కేంద్రం ప్రత్యేకంగా చేసింది ఏమి లేదనే విమర్శలు ఎప్పటి నుంచి ఉన్నాయి. ఆంధ్ర ప్రదేశ్ ప్రభుత్వం, సీఎం జగన్ చెపుతున్నట్లు మరి నిజంగా మోడీ అండగా ఉంటే న్యాయబద్దంగా రావాల్సినవి కూడా ఆంధ్ర ప్రదేశ్ కు ఎందుకు రావటం లేదు అన్నది ఇప్పుడు కీలక ప్రశ్న.