వ‌చ్చే ఎన్నిక‌ల్లో బిజెపి ఆదేశిస్తే తాను గ‌జ్వేల్ లో సీఎం కెసీఆర్ పై పోటీచేసి..ఆయ‌న్ను ఓడిస్తాన‌ని ఈటెల రాజేందర్ ప‌దే ప‌దే చెబుతున్న విష‌యం తెలిసిందే. దీనిపై టీఆర్ఎస్ నేత‌లు మండిపడుతున్నారు. 2004కు ముందు ఈటెల అడ్ర‌స్ ఎక్క‌డ..? ఈటెల‌ను మంత్రి చేసింది కేసీఆర్ క‌దా? అని సుమన్ ప్ర‌శ్నించారు. ఎమ్మెల్యేలు గువ్వ‌ల బాలరాజు, కేపీ వివేకానంద‌తో క‌లిసి విప్ బాల్క సుమన్ టీఆర్ఎస్ ఎల్పీలో మీడియాతో మాట్లాడారు.ఈటెల రాజేందర్ మాటలను చూసి జనం నవ్వుకుంటున్నార‌ని సుమన్ పేర్కొ మండిన్నారు. ఆయ‌న శిఖండి రాజ‌కీయాలు చేస్తున్నారు. ఆరోగ్య మంత్రిగా, ఆర్థిక మంత్రిగా ఈటెల అవినీతికి పాల్ప‌డ్డార‌ని వ్యాఖ్యానించారు. రాబోయే ఎన్నిక‌ల్లో హుజురాబాద్‌లో రాజేందర్ ఓట‌మి ఖాయ‌మ‌న్నారు. అందుకే గ‌జ్వేల్‌లో కేసీఆర్‌పై పోటీ చేస్తాన‌ని ప్ర‌గ‌ల్భాలు ప‌లుకుతున్నార‌ని విమ‌ర్శించారు. ఈటెల కేసీఆర్‌పై పోటీ చేసే సిపాయా? అని ప్ర‌శ్నించారు. ఆయ‌న ఓ చెల్ల‌ని రూపాయి అన్నారు. ప‌బ్లిసిటీ కోస‌మే ఈటెల ఈ తంటాలు ప‌డుతున్నార‌ని పేర్కొన్నారు. బీజేపీలో ఈటెల‌ది బానిస బ‌తుకు అని తెలిపారు.