ఇన్వెస్టర్లు ఎంతో ఆసక్తిగా ఎదురుచూస్తున్న జియో ప్లాట్ ఫార్మ్ పబ్లిక్ ఇష్యూ వివరాలు అధికారికంగా ప్రకటించారు. దీని ప్రకారం జియో పబ్లిక్ ఇష్యూ అక్టోబర్ 21 న మొదలై...23 న ముగియనుంది. దేశంలోనే అతి పెద్ద ఐపీవో గా రిలయన్స్ జియో రికార్డు నమోదు చేయబోతోంది. ఈ ఐపీవో ద్వారా కంపెనీ 30000 కోట్ల రూపాయలకు పైగా నిధులు సమీకరించనుంది. ఐపీవో కి సంబంధించి బుధవారం నాడు రెడ్ హెరింగ్ ప్రాస్పెక్టస్ (ఆర్ హెచ్ పీ) దాఖలు చేసినట్లు రిలయన్స్ ఇండస్ట్రీస్ స్టాక్ ఎక్స్ఛేంజ్ కు ఇచ్చిన సమాచారంలో వెల్లడించింది. రిలయన్స్ ఇండస్ట్రీస్ కు చెందిన షేర్ హోల్డర్ల కోసం 2500 కోట్ల రూపాయల విలువగల షేర్లను రిజర్వు చేశారు. జియో ఐపీవో కింద ఒక్కొక్కట్లి పది రూపాయల ముఖ విలువ గల మొత్తం 27 కోట్ల ఈక్విటీ షేర్లను జారీ చేయనున్నారు.