ప్రముఖ నటుడు రజనీకాంత్ కు ప్రతిష్టాత్మకమైన యూఏఈ గోల్డెన్ వీసా అందుకున్నారు. యూఏఈ టూరిజం, సాంస్కృతిక శాఖ ఆయనకు ఈ వీసా మంజూరు చేసింది. తనకు గోల్డెన్ వీసా జారీ చేయటంపై రజని కాంత్ యూఏఈ ప్రభుత్వంతో పాటు ఈ వీసా దక్కటానికి సహకరించిన లూలూ గ్రూప్ చైర్మన్ యూసుఫ్ అలీ కి కూడా ధన్యవాదాలు తెలిపారు. ఈ మేరకు రజనీకాంత్ ఎక్స్ లో ఒక వీడియో విడుదల చేశారు. ఇటీవల యూఏఈ లో పర్యటించిన రజనీకాంత్ ఈ వీసా అందుకుని..లూలూ గ్రూప్ చైర్మన్ యూసుఫ్ అలీ నివాసాన్ని కూడా సందర్శించారు. ఆయన ఆతిధ్యం స్వీకరించి..అక్కడే యూసుఫ్ అలీ కి చెందిన విలాసవంతమైన కారు లో చక్కర్లు కూడా కొట్టారు.