బెంగుళూరులోకి ప్రవేశంపై ఆంక్షలు

కోవిడ్ నెగిటివ్ సర్టిఫికెట్ ఉంటేనే అనుమతి

దేశ వ్యాప్తంగా కరోనా కథ మళ్ళీ మొదటికి వస్తోంది. దీంతో పలు రాష్ట్రాలు వరస పెట్టి ఆంక్షలు విధిస్తున్నాయి. తాజాగా బెంగుళూరులోకి ప్రవేశించాలంటే కోవిడ్ 19 నెగిటివ్ సర్టిఫికెట్ తప్పనిసరి చేస్తూ ఆ సర్కారు నిర్ణయం తీసుకుంది. ఈ విషయాన్ని కర్ణాటక ఆరోగ్య శాఖ మంత్రి డాక్టర్ కె సుధాకర్ వెల్లించారు. ఈ కోవిడ్ 19 నెగిటివ్ సర్టిఫికెట్ నిబంధన ఏప్రిల్ 1 నుంచి అమల్లోకి రానుంది. ఇంతకు ముందు పంజాబ్, చండీఘడ్, మహారాష్ట్ర, కేరళ నుంచి వచ్చే ప్రయాణికులకు మాత్రమే ఈ నిబంధన ఉండేది.

ఇప్పుడు ప్రయాణికులు అందరికీ దీన్ని వర్తింపచేస్తూ నిర్ణయం తీసుకున్నారు. దేశంలోని ప్రముఖ పర్యాటక ప్రాంతం అయిన గోవా కూడా ఈ దిశగానే ఆలోచన చేస్తోంది. అయితే ఇంకా ఆ రాష్ట్రం అధికారికంగా నిర్ణయం తీసుకోవాల్సి ఉంది. ప్రతిపాదన ముఖ్యమంత్రి ముందు పెట్టినట్లు అధికార వర్గాలు చెబుతున్నాయి.