తెలుగుదేశం సీనియర్ నేత, ఎమ్మెల్యే అచ్చెన్నాయుడికి హైకోర్టు షాకిచ్చింది. ఆయన బెయిల్ పిటీషన్ ను తిరస్కరించింది. అచ్చెన్నాయుడు మంత్రిగా పనిచేసిన సమయంలో ఈఎస్ఐ కొనుగోళ్లలో 150 కోట్ల రూపాయల మేర అక్రమాలకు కారణమయ్యారనే ఆరోపణలతో అరెస్ట్ అయ్యారు. అచ్చెన్నాయుడితోపాటు ఈ కేసులో నిందితులుగా ఉన్న రమేష్ కుమార్, మురళి, సుబ్బారావుల బెయిల్ పిటీషన్లను కూడా హైకోర్టు డిస్మిస్ చేసింది. ప్రస్తుతం అచ్చెన్నాయుడు గుంటూరులోని రమేష్ ఆస్పత్రిలో చికిత్స పొందుతున్నారు. జూన్ 12న అచ్చెన్నాయుడిని ఏసీబీ అధికారులు నిమ్మాడలో అరెస్ట్ చేసిన విషయం తెలిసిందే.