విలన్ పాత్రలో విదేశీ నటుడు !

విజయ్ దేవరకొండ, రష్మిక మందన్న జంటగా నటిస్తున్న సినిమా రణబాలి. పెళ్లి తర్వాత వీళ్లిద్దరి కాంబినేషన్ లో వస్తున్న మూవీ ఇదే కావటంతో ఈ సినిమాపై ప్రేక్షకుల్లో భారీ అంచనాలే ఉన్నాయి. రాహుల్ సాంకృత్యాన్ దర్శకత్వంలో తెరకెక్కుతున్న ఈ యాక్షన్ పిరియాడికల్ మూవీ ఈ ఏడాది సెప్టెంబర్ 11 న ప్రపంచ వ్యాప్తంగా ప్రేక్షకుల ముందుకు రానుంది. పాన్ ఇండియా మూవీగా ఈ సినిమాను మైత్రి మూవీ మేకర్స్ నిర్మిస్తోంది. చిత్ర యూనిట్ బుధవారం నాడు ఈ మూవీ కి సంబంధించి ఒక అప్డేట్ ఇచ్చింది. అదేంటి అంటే 'ది మమ్మీ' చిత్రంలో 'ఇమ్హోటెప్' పాత్రతో ప్రపంచవ్యాప్తంగా ప్రేక్షకులను అలరించిన హాలీవుడ్ నటుడు ఆర్నాల్డ్ వోస్లూ ఇప్పుడు సర్ థియోడోర్ హెక్టర్ పాత్రతో రణబాలి మూవీలో భాగం అవుతున్నారు.

                                    Full Viewఆయన ఇప్పుడు రణబాలిలో క్రూరమైన 'సర్ థియోడోర్ హెక్టర్' పాత్రతో కొత్త ప్రయాణాన్ని ప్రారంభిస్తున్నారు. పుట్టినరోజు శుభాకాంక్షలు... భారతీయ సినీ పరిశ్రమలోకి స్వాగతం అంటూ చిత్ర యూనిట్ అయన న్యూ లుక్ ను విడుదల చేసింది. ఈ సినిమా తెలుగు తో పాటు హిందీ, తమిళం, మలయాళం, కన్నడ భాషల్లో విడుదల కానుంది. విజయదేవరకొండ రణబలి తో పాటు మరో వైపు రవికిరణ్ కోలా దర్శకత్వంలో తెరకెక్కుతున్న రౌడీ జనార్ధన సినిమాలో కూడా నటిస్తున్నారు. వీటితో పాటు మరికొన్ని సినిమాలు కూడా ట్రాక్ లో ఉన్నాయి.