అల్లు అర్జున్ పై ట్వీట్ డిలీట్ చేసిన నాగబాబు

Full Viewఆంధ్ర ప్రదేశ్ అసెంబ్లీ ఎన్నికలు మెగా, అల్లు ఫ్యామిలీల మధ్య గ్యాప్ పెంచాయనే చెప్పాలి. దీనికి ప్రధాన కారణం అల్లు అర్జున్ వైసీపీ కి చెందిన నంద్యాల అభ్యర్థి శిల్పా రవి చంద్ర రెడ్డి కోసం అక్కడికి వెళ్లి మరీ సంఘీభావం తెలిపి వచ్చారు. మరో వైపు పిఠాపురంలో పోటీ చేసిన జన సేన అధినేత పవన్ కళ్యాణ్ కు మద్దతుగా అల్లు అర్జున్ ట్వీట్ చేసి వదిలేశారు. ఇదే అటు జన సేన కార్యకర్తలు...పవన్ కళ్యాణ్ అభిమానుల్లో ఆగ్రహానికి కారణం అయింది. ఇదే అంశంపై నాగ బాబు చేసిన ట్వీట్ కూడా పెద్ద దుమారమే రేపింది. మాతో ఉంటూ ప్రత్యర్థులకు పనిచేసేవాడు మా వాడు అయినా పరాయి వాడే. మాతో నిలబడేవాడు పరాయివాడు అయినా మా వాడే అంటూ నాగ బాబు చేసిన ట్వీట్ లో అల్లు అర్జున్ పేరు పెట్టకపోయినా ఇది ఆయన్ను టార్గెట్ చేసుకుని పెట్టిందే అనే విషయం ఎవరికైనా అర్ధం అవుతుంది. ఈ ట్వీట్ పై అల్లు అర్జున్ ప్యాన్స్ కూడా పెద్ద హంగామా చేశారు.

                                             నాగ బాబు కు కౌంటర్ గా అల్లు అర్జున్ చేసినట్లు సోషల్ మీడియా లో ఒక ట్వీట్ వైరల్ అయింది. అదేంటి అంటే అల్లు రామలింగయ్య అనే వ్యక్తి లేకపోతే నాగబాబు అనే వ్యక్తి బాపట్ల పోస్టాఫీస్ వద్ద సైకిల్ షాప్ లో పంక్చర్లు వేసుకునేవాడు అని ఉంది. ఇది కూడా పెద్ద కలకలమే రేపింది. ఇలా పరస్పర ట్వీట్స్ తో వ్యవహారం రచ్చ రచ్చగా మారటంతో నాగ బాబు పై సోషల్ మీడియా లో ఎటాక్ కూడా పెరిగింది. ఈ దెబ్బకు అయన రెండు రోజుల పాటు తన ఎక్స్ ఖాతాను డీ ఆక్టివేట్ చేసుకున్నారు. తిరిగి శనివారం అయన ఎక్స్ లోకి ఎంట్రీ ఇచ్చారు. అంతే కాదు...నేను నా ట్వీట్ ను తొలగించాను అని రాసుకొచ్చారు. దీంతో మరో కొత్త చర్చ తెరపైకి వచ్చింది. ఇన్ని రోజుల తర్వాత నాగబాబు ఎందుకు ట్వీట్ తొలగించారు. పవన్ కళ్యాణ్ ఆదేశాల మేరకు ఇలా చేశారా...లేక ఈ విషయంలో తెర వెనక ఏమైనా జరిగిందా అన్న చర్చ సాగుతోంది.