ఆయన ఓ దేశ ప్రధాని. కానీ మాటలు మాత్రం చాలా చౌకబారుగా ఉంటాయి. ఈ విషయాన్ని ఎన్నోసార్లు నిరూపించుకున్నారు. ఇఫ్పుడు మరోసారి ఆరోగ్య సమస్యలతో ఆస్పత్రిలో చేరే వారికి సేవలదించే నర్సులపై అనుచిత వ్యాఖ్యలు చేశారు. ఆ ప్రధాని ఎవరు అనుకుంటున్నారా?. పాక్ ప్రధాని ఇమ్రాన్ ఖాన్. అయితే ఇమ్రాన్ ఖాన్ వ్యాఖ్యలపై నెటిజన్లు తీవ్ర స్థాయిలో ధ్వజమెత్తుతున్నారు. ‘ఆ డాక్టరు ఏ ఇంజెక్షన్ ఇచ్చారో కానీ ఆ మందు శరీరంలోకి వెళ్లగానే నా చుట్టూ ఉన్న నర్సులు అందగత్తెల్లా..అప్సరసల్లా కనిపించారు’ అని పేర్కొన్నారు. ఈ వ్యాఖ్యలకు సంబందించిన వీడియో సోషల్ మీడియాలో వైరల్ అవుతోంది.
తాజాగా పాక్ లో ఓ కార్యక్రమంలో పాల్గొన్న ఇమ్రాన్ ప్రసంగిస్తూ.. 2013 ఎన్నికల ప్రచారంలో భాగంగా స్టేజి కూలి నేను గాయపడ్డాను. ఆ సమయంలో నన్ను షౌకత్ ఖానుమ్ ఆస్పత్రికి తరలించారు. అప్పుడు డాక్టర్ అసీమ్ నాకు ముందుగా ఓ ఇంజెక్షన్ ఇచ్చారు. ఆ ఇంజెక్షన్‌లోని మందు శరీరంలోకి వెళ్ళగానే నా నొప్పి పోయింది. అప్పుడు నా చుట్టూ ఉన్న నర్సులు నాకు అప్సరసల్లా కనిపించారని ఇమ్రాన్ అన్నారు. వారు అలా ముందు నిలబడితే నొప్పి అస్సలు అనిపించేది కాదని వారి అందం గురించి ప్రధాని పొగిడారు.