టాలీవుడ్ లో ఒక్కో సమయంలో ఒక్కో హీరోయిన్ ట్రెండ్ కొనసాగుతుంది. విజయాల వెంట పడటం టాలీవుడ్ కు కొత్తేమి కాదు. అది జానర్ అయినా ..హీరోయిన్ అయినా. సక్సెస్ వస్తే అందరూ వాళ్ళ వెంట పడతారు...ఎక్కడైనా లెక్క తేడా వస్తే మాత్రం మళ్ళీ అటు వైపు చూడరు. హీరోయిన్ శ్రీలీల ఇప్పుడు టాలీవుడ్ సెన్సేషన్ గా మారింది అనే చెప్పాలి. పెళ్లి సందడితో టాలీవుడ్ లోకి ఎంట్రీ ఇచ్చిన ఈ భామ ఇప్పుడు ఏ హీరోయిన్ అందుకోలేని రేంజ్ లో దూసుకు పోతోంది. టాప్ హీరో ల దగ్గర నుంచి ప్రతి కీలక సినిమాలో ఇప్పుడు ఆమె భాగస్వామ్యం కనిపిస్తోంది. ఇది అంతా చూస్తున్న వారు ఇప్పుడు శ్రీలీల ను టాలీవుడ్ గోల్డెన్ లెగ్ గా పిలుస్తున్నారు. ఆమె చేతిలో ఉన్న సినిమాల్లో కొన్ని హిట్ అయినా కూడా శ్రీలీల హవా టాలీవుడ్ లో మరికొంత కాలం కొనసాగే అవకాశం ఉంది అని పరిశ్రమ వర్గాలు చెపుతున్నాయి. ప్రధానంగా రవితేజ తో చేసిన ధమాకా సినిమా సూపర్ హిట్ కావటం..ఇందులో శ్రీలీల యాక్షన్, స్పీడ్ చాలా మందిని ఆకట్టుకుంది.