వరస రిలీజులకు ప్లాన్

ప్రభాస్ ఫ్యాన్స్ కు గుడ్ న్యూస్. ఆయన కొత్త సినిమాల అప్ డేట్స్ కోసం ఎంతో ఆసక్తిగా ఎదురుచూస్తున్న వాళ్లకు ఫౌజీ చిత్ర యూనిట్ గురువారం నాడు కీలక విషయాన్ని వెల్లడించింది. హను రాఘవపూడి దర్శకత్వంలో తెరకెక్కుతున్న ఫౌజీ మూవీ ఈ ఏడాది డిసెంబర్ 3 న ప్రపంచ వ్యాప్తంగా ప్రేక్షకుల ముందుకు రానుంది. రిలీజ్ డేట్ లుక్ తో విడుదల చేసిన ప్రభాస్ ఫోటో ఇప్పుడు సోషల్ మీడియా లో వైరల్ గా మారింది. చేతిలో గన్ పట్టుకుని... ఒంటి నిండా రక్తంతో తడిచిన ప్రభాస్ లుక్ ఈ సినిమాపై అంచనాలు పెంచింది అనే చెప్పాలి. పాన్ ఇండియా స్థాయిలో తెరకెక్కుతున్న ఈ మూవీ తెలుగుతో పాటు హిందీ, తమిళ్, కన్నడ, మలయాళం తదితర భాషల్లో విడుదల కానుంది.

                            Full Viewమైత్రి మూవీ మేకర్స్ నిర్మిస్తున్న ఈ సినిమాలో ప్రభాస్ కు జోడిగా ఇమాన్వి నటిస్తోంది. ఈ సినిమా పూజా కార్యక్రమం 2024 ఆగస్ట్ 16 న జరిగింది. అంటే మరో నెల రోజుల్లోనే ఈ సినిమా స్టార్ట్ అయి రెండేళ్లు పూర్తి కానుంది. ఎట్టకేలకు చిత్ర యూనిట్ ఈ సినిమా విడుదల తేదీ ప్రకటించటంతో ప్రభాస్ ఫ్యాన్స్ ఫుల్ ఖుషీగా ఉన్నారు అని చెప్పాలి. ప్రభాస్ ఇప్పుడు ఫౌజీ తో పాటు సందీప్ రెడ్డి వంగా దర్శకత్వంలో తెరకెక్కుతున్న స్పిరిట్ మూవీలో, కల్కి 2 , సలార్ 2 లో నటిస్తున్న విషయం తెలిసిందే. స్పిరిట్ మూవీ వచ్చే ఏడాది ప్రేక్షకుల ముందుకు రానుంది.