ఇప్పటికైతే మూడు సినిమాలు సంక్రాంతి డేట్ ను లాక్ చేసుకున్నాయి. అప్పటికే ఇంకెన్ని రెడీ అవుతాయో చూడాలి. వాస్తవానికి సంక్రాంతికి చిరంజీవి హీరోగా తెరకెక్కుతున్న విశ్వంభర సినిమా విడుదల కావాల్సి ఉంది. కానీ శంకర్, రామ్ చరణ్ సినిమా కోసం దీన్ని వాయిదా వేసిన సంగతి తెలిసిందే. 2023 జనవరి లో అంటే సంక్రాంతికి ప్రేక్షకుల ముందుకు వచ్చిన చిరంజీవి వాల్తేర్ వీరయ్య, బాలకృష్ణ వీరసింహ రెడ్డి సినిమాలు రెండూ కూడా కమర్షియల్ గా మంచి విజయాన్ని దక్కించుకున్న సంగతి తెలిసిందే. అయితే ఈ సారి సంక్రాంతి బరిలో చిరంజీవి బదులు ఆయన తనయుడు రామ్ చరణ్ సినిమా వస్తోంది. 2023 లో హిట్ చిరంజీవి దక్కించుకున్న వాల్తేర్ వీరయ్య సినిమా దర్శకుడు బాబీ కొల్లి ఇప్పుడు బాలకృష్ణ సినిమాను తెరకెక్కించటం విశేషం.