హరీష్ శంకర్ డైలాగులు, సత్య, చమ్మక్ చంద్ర కామెడీ లు మిస్టర్ బచ్చన్ సినిమా బోర్ కొట్టకుండా చేయటంలో కీలక పాత్ర పోషించాయి. మరో సినిమా డబుల్ ఇస్మార్ట్ విషయానికి వస్తే ప్రేక్షకులపై సింగిల్ ఇంపాక్ట్ చూపించటంలో కూడా విఫలం అయింది. కథలో ఏ మాత్రం కొత్తదనం లేకపోవటంతో ఏ దశలోనూ ఈ మూవీ ప్రేక్షలుకులను ఆకట్టుకోలేక పోయింది. హీరో రామ్ మాస్ లుక్ లో యాక్షన్స్ పరంగా మంచి ప్రయత్నమే చేసినా కూడా ఏ మాత్రం ఉపయోగం లేకుండా పోయింది. దీంతో పాటు ఈ సినిమా లో అలీ పాత్ర తో దర్శకుడు పూరి జగన్నాథ్ ప్రేక్షకుల సహనానికి పరీక్ష పెట్టాడు. మిస్టర్ బచ్చన్ తో పోలిస్తే డబుల్ ఇస్మార్ట్ లో పాటలు కూడా ఏ మాత్రం ఆకట్టుకునేవి లేవు. దీంతో బాక్స్ ఆఫీస్ విజేతగా రవి తేజ మిస్టర్ బచ్చన్ నిలవటం ఖాయంగా కనిపిస్తోంది. ఎందుకంటే ఉన్నంతలో ఎంటర్టైన్ మెంట్ ఉన్న సినిమా ఇదే కాబట్టి. దీనికి తోడు ఆగస్ట్ 15 హాలిడే కలిసి వచ్చేలా సినిమాలు గురువారం నాడే విడుదల కావటంతో లాంగ్ వీకెండ్ కూడా బచ్చన్ కు కలిసి వచ్చే అవకాశం ఉంది.