నందమూరి బాలకృష్ణ తనయుడు మోక్షజ్ఞ మూవీ ఫిక్స్ అయింది. వాస్తవానికి ఎప్పుడో మోక్షజ్ఞ సినిమా మొదలు కావాల్సి ఉన్నా కూడా వివిధ కారణాలతో అది ముందుకు సాగలేదు. గతంలో హనుమాన్ మూవీ దర్శకుడు ప్రశాంత్ వర్మతో అధికారికంగానే సినిమా ప్రకటించారు. కానీ కారణాలు ఏంటో తెలియదు కానీ...ఆ ప్రాజెక్ట్ ముందుకు సాగలేదు. ఇప్పుడు మోక్షజ్ఞ ఏ బ్యానర్ పై సినిమా చేయనున్నాడు...దర్శకుడు ఎవరు అన్న విషయాన్ని కూడా అధికారికంగా ప్రకటించారు. మోక్షజ్ఞ ఫస్ట్ సినిమాను ప్రముఖ నిర్మాణ సంస్థ మైత్రి మూవీ మేకర్స్ తెరకెక్కించనుంది. బింబిసార డైరెక్టర్ వశిష్ట ఈ సినిమాకు దర్శకత్వం వహించనున్నారు. ఆదివారం నాడు మోక్షజ్ఞ పుట్టిన రోజు కావటంతో ఈ సినిమా సినిమా ప్రకటన వెలువడింది.