సారంగ ద‌రియా పాట టాలీవుడ్ లో సెన్సేష‌న్ క్రియేట్ చేసింది . ఈ పాట‌తో 'లవ్‌స్టోరీ' సినిమాకు కూడా ఎక్క‌డ లేని క్రేజ్ వ‌చ్చింది. పాట...పాట‌కు త‌గ్గ డ్యాన్స్ లు. అందులో ద‌ర్శ‌కుడు శేఖ‌ర్ క‌మ్ముల కావ‌టంతో ఈ సినిమాపై భారీ అంచ‌నాలు ఉన్నాయి. ఎట్టకేల‌కు స‌మ‌స్య‌లు అన్నీ అధిగ‌మించి 'లవ్‌స్టోరీ' సినిమా విడుదల ముహుర్తం ఖ‌రారైంది. వినాయ‌క‌చ‌వితికి ఈ సినిమా ప్ర‌పంచ వ్యాప్తంగా థియేట‌ర్ల‌లో విడుదల కానుంది.
ఈ మేర‌కు చిత్ర యూనిట్ బుధ‌వారం నాడు అధికారిక ప్ర‌క‌ట‌న విడుదల చేసింది. ఈ సినిమాలో నాగ‌చైత‌న్య, సాయిప‌ల్ల‌వి న‌టించిన విష‌యం తెలిసిందే. వాస్తవానికి ఈ సినిమా ఎప్పుడో విడుదల కావాల్సి ఉంది. క‌రోనా కార‌ణంగా వాయిదా ప‌డుతూ వ‌స్తోంది. వినాయకచవితి' పండుగ సందర్భంగా సెప్టెంబర్ 10వ తేదీన విడుదల చేయనున్నట్టు తెలుపుతూ రిలీజ్ డేట్ తో కూడిన పోస్టర్ ను విడుదల చేశారు.