లవ్ స్టోరీ సినిమా థియేటర్లలో చూడ‌ని వాళ్ల‌కు శుభ‌వార్త. అక్టోబ‌ర్ 22 నుంచి ఈ సినిమా ఓటీటీలో స్ట్రీమింగ్ కానుంది. ఆహాలో ఇది అందుబాటులో ఉంటుంది. బాక్సాఫీస్ వ‌ద్ద కూడా ఈ సినిమా మంచి ఫ‌లితాన్ని రాబ‌ట్టింది. ముఖ్యంగా సాయిప‌ల్ల‌వి డ్యాన్స్ సినిమాలో హైలెట్ గా నిలిచింది. ద‌ర్శ‌కుడు శేఖ‌ర్ క‌మ్ముల ఈ ప్రేమ‌క‌థ‌ను ప‌లు సున్నిత‌మైన అంశాల‌ను ట‌చ్ చేస్తూ తెర‌కెక్కించారు. అక్కినేని నాగ‌చైత‌న్య కూడా ఈ సినిమాలో మంచి న‌ట‌న క‌న‌ప‌ర్చారు. ఈ సినిమా ఓటీటీలోకి ఎప్పుడెప్పుడు వస్తుందా అని బుల్లితెర ప్రేక్షకులంతా ఆసక్తిగా ఎదురుచూస్తున్నారు. ఈ త‌రుణంలో ఆహా దసరా కానుకగా తీపి కబురు చెప్పింది.
థియేటర్లలో భారీ విజయం సొంతం చేసుకున్న 'లవ్ స్టోరీ' ఇక ఆహాలో ఏ స్టాయిలో విజయం సాధిస్తుందో వేచిచూడాలి. 12 వారాలు... 90 రోజులు... 20 కొత్త సినిమాలు, షోలు. ఈ దసరా నుండి సంక్రాంతి వరకు అదిరిపోయే నాన్ స్టాప్ 100 శాతం తెలుగు వినోదాల పండగ, మీ అహలో సిద్ధమా? అంటూ ట్విట్ట‌ర్ లో ఓ పోస్ట‌ర్ ను షేర్ చేసింది. అందులో ప‌లు కొత్త సినిమాలు కూడా ఆహా లో విడుద‌ల కానున్న‌ట్లు తెలిసిపోతుంది. అందులో లవ్ స్టోరీతోపాటు మోస్ట్ ఎలిజ‌బుల్ బ్యాచుల‌ర్, గ‌ని, లక్ష్య, అనుభ‌వించురాజా, రొమాంటిక్, పుష్ప‌క విమానం తదిత‌ర సినిమాలు ఉన్నాయి.