వంద కోట్ల క్ల‌బ్ లో 'గాడ్ ఫాద‌ర్ '

మెగాస్టార్ చిరంజీవి న‌టించిన గాడ్ ఫాద‌ర్ సినిమా వంద కోట్ల రూపాయ‌ల గ్రాస్ వ‌సూళ్లు సాధించింది. ప్ర‌పంచ వ్యాప్తంగా క‌లుపుకుని ఈ సినిమా వంద కోట్ల మార్కును అందుకున్న‌ట్లు చిత్ర యూనిట్ ఆదివారం నాడు అధికారికంగా కొత్త పోస్ట‌ర్ విడుద‌ల చేసింది. మోహ‌న్ రాజా ద‌ర్శ‌క‌త్వంలో తెర‌కెక్కిన ఈ సినిమాలో చిరంజీవి, సల్మాన్ ఖాన్, స‌త్య‌దేవ్, న‌య‌న‌తార‌, ముర‌ళీశ‌ర్మ‌లు కీల‌క‌పాత్రలు పోషించిన సంగ‌తి తెలిసిందే. ఆచార్య డిజాస్ట‌ర్ త‌ర్వాత వ‌చ్చిన ఈ గాడ్ ఫాద‌ర్ సినిమా మంచి టాక్ తెచ్చుకోవ‌టంతో చిరంజీవితో పాటు ఆయ‌న ఫ్యాన్స్ కూడా ఫుల్ హ్యాపీగా ఉన్నారు. ఇదే ఊపుతో చిరంజీవి రాబోయే త‌న సినిమాలు కూడా ఇదే త‌ర‌హా ఫ‌లితాన్ని ఇస్తాయ‌ని తాజాగా ప్ర‌క‌టించారు.