మూడు రోజుల్లో 304 కోట్లు

Full Viewబాక్స్ ఆఫీస్ దగ్గర దేవర జోష్ కొనసాగుతూనే ఉంది. మూడవ రోజు కూడా ఈ సినిమా ప్రపంచ వ్యాప్తంగా 61 కోట్ల రూపాయల వసూళ్లను సాధించింది. దీంతో మూడు రోజుల్లో కలుపుకుని దేవర ప్రపంచ వ్యాప్తంగా 304 కోట్ల రూపాయల గ్రాస్ వసూళ్లను సాధించింది. ఈ విషయాన్ని దేవర నిర్మాణం సంస్థ ఎన్టీఆర్ ఆర్ట్స్ అధికారికంగా వెల్లడించింది. హిందీ బాక్స్ ఆఫీస్ దగ్గర వరసగా మూడవ రోజు కూడా దేవర కలెక్షన్స్ పెరగటం కీలక పరిణామంగా చెప్పుకోవచ్చు. ఫస్ట్ డే కంటే రెండు రోజు...వరసగా మూడవ రోజు కూడా దేవర కలెక్షన్స్ పెరిగాయి. ఇప్పటి వరకు ఒక్క హిందీ బాక్స్ ఆఫీస్ నుంచే దగ్గర దగ్గర 28 కోట్ల రూపాయల వసూళ్లు వచ్చాయి.

                                     కన్నడ, తమిళ్, మలయాళం బాక్స్ ఆఫీస్ ల దగ్గర కూడా దేవర వసూళ్లు నిలకడగా ఉన్నట్లు చెపుతున్నారు. అక్టోబర్ పదిన విడుదల అయ్యే రజని కాంత్ వేట్టైయాన్‌ వరకు బాక్స్ ఆఫీస్ దగ్గర పెద్ద హీరో ల సినిమాలు ఏమి లేవు. మరో వైపు దసరా సెలవులు కూడా మొదలు కానుండటంతో రాబోయ్ రోజుల్లో కూడా దసరా కలెక్షన్స్ జోష్ కొనసాగే అవకాశం ఉంది అనే లెక్కలు ఉన్నాయి. థియేట్రికల్ రన్ పూర్తయ్యే వరకు దేవర సినిమా బాక్స్ ఆఫీస్ వద్ద ఎన్ని వందల కోట్ల రూపాయల వసూళ్లు సాధిస్తుంది అన్నది ఇప్పుడు కీలకం కానుంది.