వరసగా మూడు రోజులు దేవర సినిమా వసూళ్లు ప్రకటిస్తూ వచ్చిన నిర్మాణ సంస్థ ఎన్టీఆర్ ఆర్ట్స్ మధ్యలో రెండు రోజులు గ్యాప్ ఇచ్చింది. గురువారం నాడు మళ్ళీ మొత్తం ఆరు రోజుల వసూళ్ల లెక్కలు బయటపెట్టింది. ప్రపంచ వ్యాప్తంగా దేవర మూవీ ఆరు రోజుల్లో 396 కోట్ల రూపాయల గ్రాస్ వసూళ్లను సాధించినట్లు తెలిపింది. పులితో కూడిన ఎన్టీఆర్ సీరియస్ లుక్ తో ఈ విషయాన్ని సోషల్ మీడియా వేదికగా షేర్ చేసింది ఎన్టీఆర్ ఆర్ట్స్. తొలి మూడు రోజులు 304 కోట్ల రూపాయలు వస్తే...సోమ, మంగళ, బుధవారాల్లో ఈ సినిమాకు 92 కోట్ల రూపాయల వసూళ్లు వచ్చినట్లు లెక్క.