ఎన్టీఆర్ అక్కడ ఎన్ని రికార్డు లు నమోదు చేస్తారో!

Full Viewఎన్టీఆర్ సూపర్ హిట్ మూవీ దేవర ఓటిటి డేట్ ఫిక్స్ అయింది. కొరటాల శివ దర్శకత్వంలో తెరకెక్కిన ఈ మూవీ ప్రపంచ వ్యాప్తంగా 500 కోట్ల రూపాయలకు పైగా గ్రాస్ వసూళ్లు సాధించిన విషయం తెలిసిందే. సోలోగా ఎన్టీఆర్ కెరీర్ లోనే అత్యధిక వసూళ్లు సాధించిన సినిమాగా ఇది నిలుస్తుంది. దేవర సినిమా నవంబర్ 8 నుంచి ప్రముఖ ఓటిటి నెట్ ఫ్లిక్స్ లో స్ట్రీమింగ్ కానుంది. ఈ విషయాన్ని అధికారికంగా వెల్లడించారు. సెప్టెంబర్ 27 న విడుదల అయిన దేవర సినిమాకు తొలుత మిశ్రమ స్పందన వచ్చినా కూడా కలెక్షన్స్ పరంగా బాక్స్ ఆఫీస్ వద్ద ఎన్నో రికార్డులు నమోదు చేసిన విషయం తెలిసిందే.

                                               ప్రధానంగా టైటిల్ పాత్ర పోషించిన ఎన్టీఆర్ నటనకు ప్రేక్షకుల నుంచి ప్రశంసలు దక్కాయి. ఈ సినిమాతోనే జాన్వీ కపూర్ టాలీవుడ్ లోకి ఎంట్రీ ఇచ్చింది. ఈ సినిమాలో ఆమె పాత్ర చాలా పరిమితంగానే ఉన్నా కూడా ఫస్ట్ సినిమా తోనే మంచి విజయాన్ని దక్కించుకుంది అని చెప్పాలి. ఆర్ఆర్ఆర్ తర్వాత విడుదల అయిన ఎన్టీఆర్ సినిమా ఇదే కావటంతో దీనిపై ప్రేక్షకుల్లో ఈ మూవీ పై భారీ అంచనాలు ఏర్పడ్డాయి.