Full Viewమిస్ శెట్టి ..మిస్టర్ పోలిశెట్టి సినిమా తర్వాత అనుష్క మళ్ళీ ఎక్కడా కన్పించలేదు. ఇప్పుడు సంచలన దర్శకుడు క్రిష్ తెరకెక్కిస్తున్న ఘాటి సినిమా తో ప్రేక్షుకుల ముందుకు రావటానికి రెడీ అయింది. అనుష్క పుట్టిరోజు కావటంతో చిత్ర యూనిట్ గురువారం నాడు అదిరిపోయే అనుష్క లుక్ ను విడుదల చేసింది. రక్తం అంటిన చేతిలో సిగార్ తో అనుష్క సీరియస్ గా చూస్తున్న లుక్ సినిమాపై అంచనాలు పెంచింది అని చెప్పాలి. ఈ సినిమాను యూవీ క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ సంయుక్తంగా తెరకెక్కిస్తున్నాయి. ఈ లుక్ పైనే విక్టిమ్, క్రిమినల్, లెజెండ్ అని రాశారు. ఈ సినిమాలో అనుష్క మరో సారి పవర్ ఫుల్ రోల్ పోషించబోతున్నట్లు కనిపిస్తోంది. గతంలో క్రిష్ తెరకెక్కించిన అల్లు అర్జున్ సినిమా వేదం లో అనుష్క కీలక పాత్ర పోషించిన సంగతి తెలిసిందే. ఘాటి సినిమా తెలుగుతో పాటు హిందీ, తమిళ్, మలయాళం, కన్నడ భాషల్లో కూడా విడుదల కానుంది.