కెసిఆర్ బాటలో జగన్
ఒక వైపు వైజాగ్ లో పర్యాటక శాఖ అవసరాల కోసం అంటూ వందల కోట్ల రూపాయలు పెట్టి కట్టిన భవనాలను తర్వాత అధికారులు సీఎం క్యాంపు ఆఫీస్ కు అనుకూలంగా ఉంటాయని తేల్చటంతో ఇది అంతా పక్కా ప్లాన్ ప్రకారమే జరిగింది అనే విషయం తెలిసిందే. అంబేద్కర్ విగ్రహాన్ని ఏర్పాటు చేయటాన్ని ఎవరూ తప్పు పట్టారు.కానీ అత్యంత కీలకమైన విషయాలను వదిలేసి ఒక ఎజెండా ప్రకారమే జగన్ ముందుకు సాగుతున్నారు అని చెపుతున్నారు. అమెరికా పేరు చెపితే స్టాట్యూ అఫ్ లిబర్టీ గుర్తుకు వచ్చినట్లు ఇండియా పేరు చెపితే విజయవాడలోని స్టాట్యూ అఫ్ సోషల్ జస్టిస్ గా అంబేద్కర్ విగ్రహం గుర్తుకు వస్తుంది అని జగన్ వ్యాఖ్యానించటం విశేషం. విజయవాడ స్వరాజ్ మైదానంలో ఏర్పాటు చేసిన రెండు వందల ఆరు అడుగుల ఎత్తుతో నిర్మించిన విగ్రహాన్ని జగన్ శుక్రవారం నాడు ప్రారంభించారు. ఈ ప్రాజెక్ట్ అమలుకు నాలుగు వందల నాలుగు కోట్ల రూపాయలు వ్యయం చేశారు. ఒక వైపు జగన్ సోషల్ జస్టిస్ గురించి చెప్తుంటే సొంత పార్టీ ఎమ్మెల్యే లే తమ అధికారాలన్నీ కూడా జగన్ మనుషులు లాగేసుకున్నారు అని చెపుతుండటం విశేషం.
