Full Viewటాక్ పాజిటివ్. కానీ కలెక్షన్లు మాత్రం వీక్. ఇదీ చిరంజీవి గాడ్ ఫాదర్ సినిమాకు సంబంధించిన విషయం. మరో విచిత్రం ఏమిటంటే డిజాస్టర్ గా మిగిలిన ఆచార్య కంటే గాడ్ ఫాదర్ ఫస్ట్ డే కలెక్షన్లు వీక్ గా ఉండటం చర్చనీయాంశంగా మారింది. గాడ్ పాదర్ సినిమా రెండు తెలుగు రాష్ట్రాల్లో కలుపుకుని 21.40 కోట్ల రూపాయల గ్రాస్..12.97 కోట్ల రూపాయల షేర్ సాధించింది. నైజాంలో తొలి రోజు 3.29 కోట్ల రూపాయలు రాగా.సీడెడ్ లో 3.18 కోట్ల రూపాయలు, యూఎస్ లో 1.26 కోట్ల రూపాయల వసూళ్ళు సాదించింది. విచిత్రం ఏమిటంటే ఆచార్య తొలి రోజు 29.50 కోట్ల రూపాయల షేర్ సాధించగా..గాడ్ ఫాదర్ తొలి రోజు 12.97 కోట్ల రూపాయలు ఉంది.
ఆచార్య దర్శకుడు కొరటాల శివ కావటం, ఈ సినిమాలో రామ్ చరణ్ కూడా ఉండటం తొలి రోజు వసూళ్లు మెరుగ్గా ఉండటానికి కారణమైందని పరిశ్రమ వర్గాలుచెబుతున్నాయి. కానీ గాడ్ పాదర్ విషయానికి వచ్చేసరికి సల్మాన్ ఖాన్ ఉన్నా కూడా ఇది ఏమీ పెద్దగా కలసి రాలేదనే చెప్పొచ్చు. రెండవ రోజు అంటే గురువారం నాడు ముఖ్యంగా ఏపీలో కలెక్షన్ల వీక్ గా ఉన్నట్లు సమాచారం. లూసిఫర్ తో పోలిస్తే గాడ్ ఫాదర్ బాగాలేదనే టాక్ వచ్చినా..ఓవరాల్ గా చూస్తే మాత్రం గాడ్ ఫాదర్ కు పాజిటివ్ టాక్ వచ్చేంది. కానీ వసూళ్ల పరంగా చూస్తే మాత్రం వీక్ గా ఉండటంతో చిరు టీమ్ టెన్షన్ లో ఉన్నట్లు సమాచారం.