ఓ పక్క కరోనా దెబ్బకు ఉద్యోగాలు పోతున్నాయి. చాలా చోట్ల ఉన్న ఉద్యోగాల్లోనూ వేతనాల్లో కోత పడుతోంది. దేశ వ్యాప్తంగా ఎప్పుడు ఎవరి ఉద్యోగాలకు ఎసరు వస్తుందో తెలియని టెన్షన్. ఈ తరుణంలో ప్రముఖ ఈ కామర్స్ సంస్థ ఉద్యోగులకు అత్యంత శుభవార్త చెప్పింది. అదీ కరోనా కష్ట కాలంలో. ఏకంగా ఈ సంస్థ ఉద్యోగులకు దాదాపు 3775 కోట్ల రూపాయల మేర బోనస్ అందజేయనుంది. ఈ కష్టకాలంలో ఎంతో శ్రమించి పనిచేస్తున్న వారికి ఒక్కసారిగా ఈ బోనస్ అందజేయనున్నారు.
ఒకొక్కరికి 11,300 రూపాయల నుంచి గరిష్టంగా 2.26 లక్షల రూపాయల వరకూ బోనస్ అందనుంది. జూన్ వరకూ పనిచేసిన వారికి ఈ బోనస్ వర్తింపచేయనున్నారు. ప్రపంచ వ్యాప్తంగా కరోనా వైరస్ ప్రభావం ఉండటంతో అమెరికా వంటి దేశాల్లో నిత్యావసర వస్తువుల దగ్గర నుంచి అన్ని రకాల అవసరాలకు ఆన్ లైన్ సంస్థలపై ఆధారపడుతున్నారు. అయితే అమెజాన్ పలు జాగ్రత్తలు తీసుకుంటూ వినియోగదారులకు సేవలందిస్తోంది.