వరల్డ్స్ నంబర్ వన్ హమద్ ఎయిర్ పోర్ట్
ప్రపంచ వ్యాప్తంగా వంద అగ్రశ్రేణి విమానాశ్రయాల జాబితాలో భారత్ కు చెందిన నాలుగు ఎయిర్ పోర్ట్ లు చోటు దక్కించుకున్నాయి. ఇందులో ఢిల్లీ కి చెందిన ఇందిరా గాంధీ అంతర్జాతీయ విమానాశ్రయం 36 స్థానంలో నిలిచింది. బెంగళూరు ఎయిర్ పోర్ట్ తన ర్యాంక్ ను 69 నుంచి 59 కి మెరుగుపరుచుకుంది. హైదరాబాద్ లోని రాజీవ్ గాంధీ అంతర్జాతీయ విమానాశ్రయం ర్యాంక్ కూడా 65 నుంచి 61 కి మారింది. ముంబై లో ఛత్రపతి అంతర్జాతీయ విమానాశ్రయం ర్యాంక్ మాత్రం 84 నుంచి 95 పడిపోయింది. ఢిల్లీ విమానాశ్రయం దక్షిణాసియా లోనే అత్యుత్తమ విమానాశ్రయంగా నిలిచింది. ఇక్కడ మరో విశేషం ఏమిటి అంటే అగ్ర రాజ్యం అమెరికాకు చెందిన ఏ ఒక్క విమానాశ్రయానికి కూడా ఈ జాబితాలో లోని టాప్ ట్వంటీ ఎయిర్ పోర్ట్స్ లో చోటు దక్కపోవటం విశేషం.
