దుబాయ్ కి ఇక ఐదేళ్ల వీసాలు!
దుబాయ్ లో ప్రపంచంలోనే ఎంతో పేరుగాంచిన ప్ర‌ముఖ పర్యాటక ప్రాంతాలు ఉండ‌టంతో పాటు ప్ర‌పంచంలోని ఎంతో అడ్వాన్ డ్ న‌గ‌రాల్లో ఇది ఒక‌టి అన్న విష‌యం తెలిసిందే. అంతే కాదు..ప్రపంచంలోనే సంప‌న్నుల‌కు దుబాయ్ లో షాపింగ్ చేయ‌టం అంటే అదో క్రేజ్. ఈ ఏడాది దుబాయ్ లో ఫిఫా వ‌ర‌ల్డ్ క‌ప్ జ‌ర‌గ‌నుండ‌టం కూడా ఓ ప్ర‌త్యేక ఆక‌ర్ష‌ణ‌గా మార‌బోతుంది. న‌వంబ‌ర్ లో ఖ‌తార్ లో ఇది ప్రారంభం కానుంది. దుబాయ్ నుంచి ఖ‌తార్ కు రోడ్డు మార్గంలో వెళ్ళాలంటే కేవ‌లం ఏడు గంట‌ల స‌మ‌యం మాత్ర‌మే ప‌డుతుంది. పర్యాటకులను ఆక‌ట్టుకోవ‌టానికి ఇది కూడా ఎంతో ఉప‌యోగ‌ప‌డుతుందని యూఏఈ భావిస్తోంది. మ‌రో కీల‌క విష‌యం ఏమిటంటే దుబాయ్ కు చెందిన ప్ర‌ముఖ ఎయిర్ లైన్స్ ఎమిరేట్స్ అక్టోబ‌ర్ 30 నుంచి దేశ ఐటి రాజ‌ధాని బెంగుళూరు నుంచి దుబాయ్ కు ఏ380 విమాన స‌ర్వీసుల‌ను న‌డ‌ప‌నుంది. ప్రపంచంలోనే అతిపెద్ద‌దైన ఈ డ‌బుల్ డెక్క‌ర్ విమాన స‌ర్వీసుల‌తో భార‌త్ నుంచి దుబాయ్ కు వెళ్లే ప‌ర్యాట‌కుల సంఖ్య పెరిగే అవ‌కాశం ఉంద‌ని భావిస్తున్నారు.
