మార్కెట్ లపై ప్రతికూల ప్రభావం !
మార్కెట్ల నియంత్రణ సంస్థ అయిన సెబీ పని తీరుతో పాటు అదానీ గ్రూప్ పై వచ్చిన ఆరోపణలపై నిష్పక్షపాత విచారణ జరుగుతుందా లేదా..హిండెన్ బర్గ్ ఆరోపణలు వంటి అంశాలపై పీఏసి మాదబీ పూరి బచ్ ను ప్రశ్నించే అవకాశం ఉంది అని సమాచారం. ప్రస్తుతం పీఏసి చైర్మన్ గా కాంగ్రెస్ సీనియర్ నేత కె సి వేణు గోపాల్ ఉన్నారు. గత కొన్ని రోజులుగా కాంగ్రెస్ పార్టీ కూడా సెబీ చీఫ్ మాదబీ పూరి బచ్ పై పలు ఆరోపణలు చేసిన విషయం తెలిసిందే. అయితే సెబీ చీఫ్ ఈ విచారణకు హాజరు అవుతారా..లేక ఆమె తరపున అధికారులను పంపుతారా అన్న అంశంపై రకరకాల వార్తలు ప్రచారంలో ఉన్నాయి. అయితే అధికార బీజేపీ మాత్రం ఈ వ్యవహారంపై అభ్యంతరం వ్యక్తం చేస్తోంది. సెబీ పై ఎలాంటి ఆరోపణలు రాలేదు అని..వ్యక్తిగతంగా ఆమె పై ఆరోపణలు వచ్చాయని బీజేపీ చెపుతుండటం విశేషం. పీఏసి నోటీసు ల ప్రకారం సెబీ చీఫ్ అక్టోబర్ 24 న హాజరు కావాల్సి ఉంది.
