గుడ్ల‌గూబ‌ల ప్రీవెడ్డింగ్ షూట్!

ప్రకృతిలో ఎన్నో అరుదైన స‌న్నివేశాలు క‌న్పిస్తుంటాయి. కొంత మంది మాత్ర‌మే వీటిని చాక‌చక్యంగా ఫోటోల్లో బంధించ‌గ‌ల‌రు. అలాంటి వాటికి ప్ర‌త్యేక గుర్తింపు కూడా ల‌భిస్తుంది. అలాంటిదే ఈ స‌న్నివేశం. రెండు గుడ్ల‌గూబ‌లు. ముద్దుపెట్టుకునే స‌న్నివేశాలు. ఆ స‌న్నివేశానికి సంబంధించిన వ‌ర‌స ఫోటోలు. ఆ ఫోటోల‌ను ఓ ఐఎఫ్ఎస్ అధికారి ట్విట్ట‌ర్ లో షేర్ చేశారు. అంతే..అవి వైర‌ల్ గా మారాయి.

అయితే ఈ ఫోటోల‌ను క్లిక్ అన్పించింది మాత్రం అశ్విన్ కెంక‌రే. మ‌హారాష్ట్ర‌లోని బాంద్రాలో ఈ స‌న్నివేశం కంట‌ప‌డింది. ఈ గుడ్ల‌గూబ‌ల ముద్దు ఫోటోలు సోష‌ల్ మీడియాలో ప్ర‌స్తుతం హ‌ల్ చ‌ల్ చేస్తున్నాయి. గుడ్ల‌గూబ‌ల‌కు కూడా ప్రీ వెడ్డింగ్ ఫోటో షూట్ ఉంటే ఇలాగే ఉంటుందేమో అంటూ క్యాప్ష‌న్ తో వీటిని ఐఎఫ్ఎస్ ఆఫీస‌ర్ మ‌ధుమిత‌ ట్విట్ట‌ర్ లో షేర్ చేశారు.