బంగారు ఫెరారీ కారు..అనంద్ మహీంద్రా కీలక వ్యాఖ్యలు
సంపద ఉన్నా.. డబ్బులు ఎలా ఖర్చు పెట్టకూడదో ఇది ఓ పాఠంగా ఉండాలన్నారు. అమెరికాలో ఉంటున్న భారతీయ వ్యక్తి ఒకరు తన బంగారు ఫెరారీ కారుతో వీధుల్లోకి వచ్చాడు. ఆ కారునే అంతా వింతగా చూస్తున్నారు. సహజంగా ఫెరారీ కారే ఖరీదైనది. దానికి మళ్లీ బంగారం జోడించటం అంటే అది మరింత వ్యయంతో కూడుకున్న విషయమే. దీనిపై నెటిజన్లు రకరకాల కామెంట్స్ చేస్తున్నారు. ఇలా బంగారు కారు ద్వారా ఆయన ఏమి సాధించారో అర్ధం కావటంలేదని ఓ సోషల్ మీడియా యూజర్ వ్యాఖ్యానించారు. మరి కొంత మంది షో ఆఫ్ అంటూ వ్యాఖ్యానిస్తున్నారు.