ఏఐ వీడియో లతో సోషల్ మీడియా లో ప్రచారం
మైక్రో సాఫ్ట్ సంచలన నివేదిక
బీజేపీ మరో సారి కేంద్రంలో అధికారంలోకి వచ్చేందుకు అవసరమైన రంగం సిద్ధం చేసుకుంటోంది. అధికారంలోకి అంటే మళ్ళీ అలా ఇలా కాదు ఏకంగా 400 సీట్లతో అధికారంలోకి వస్తామని ప్రధాని మోడీ తో పాటు బీజేపీ కీలక నేతలు అందరూ చెప్పుకుంటున్నారు. ఈ ప్రచారాన్ని వ్యూహాత్మకంగా చేస్తున్నారు అనే చర్చ కూడా రాజకీయ వర్గాల్లో లేకపోలేదు. మరో వైపు బీజేపీ నేతలు చెప్పుకుంటున్నట్లు క్షేత్ర స్థాయిలో ఆ పార్టీ కి అనుకూల వాతావరణం లేదు అన్నది మరి కొంత మంది వాదన. మరో వైపు కాంగ్రెస్ అగ్రనేత, ఎంపీ రాహుల్ గాంధీ కూడా మీడియా లో ప్రచారం జరుగుతున్నట్లు బీజేపీ కి అంత అనుకూల వాతావరణం లేదు అని..వచ్చే ఎన్నికల్లో ఇండియా కూటమి అధికారంలోకి వస్తుంది అని చెపుతున్నారు. మరి ఎవరి మాటలు నిజం అవుతాయో తేలాలంటే జూన్ నాలుగు వరకు ఆగాల్సిందే. దేశంలో పార్టీ లు అన్ని ప్రచారం పనిలో మునిగి ఉన్న వేళ అమెరికా కు చెందిన దిగ్గజ సంస్థ మైక్రో సాఫ్ట్ సంచలన విషయాన్ని వెల్లడించింది.
అదేంటి అంటే చైనా భారత్ లో ఎన్నికలను ప్రభావితం చేసేందుకు ప్రయతిస్తోంది అని. అది కూడా ఆర్టిఫిషియల్ ఇంటెలిజెన్స్ ను ఉపయోగించి వీడియో కంటెంట్ ను తయారు చేసి సోషల్ మీడియా లో విస్తృతంగా ప్రచారం చేయటం ద్వారా ఎన్నికలపై ప్రభావం చూపించే అవకాశం ఉంది అని మైక్రో సాఫ్ట్ వెల్లడించింది.
