ఎయిర్ ఇండియా ఏ 350 విమానాల ఫస్ట్ లుక్
ఈ ఏడాది డిసెంబర్ నుంచి కొత్త లోగోతో ఎయిర్ ఇండియా సర్వీస్ లు ప్రారంభం కానున్నట్లు కంపెనీ వెల్లడించింది. అయితే అన్ని విమానాలు కొత్త లోగో లోకి మారటానికి 2025 వరకు పట్టనుంది. విమానాల బయట లుక్ ఒక్కటే కాకుండా లోపల కూడా పెద్ద ఎత్తున మార్పులు చేయనున్నారు. మరో కీలక పరిణామం ఏమిటి అంటే ఎయిర్ ఇండియా లో విస్తార ఎయిర్ లైన్స్ విలీనం కూడా వచ్చే ఏడాది మార్చి నాటికీ పూర్తి అయ్యే అవకాశం ఉంది అని అంచనా. విమానయాన రంగం భవిష్యత్ ఆశాజనకంగా ఉంటుంది అనే అంచనాలు ఉండటంతో పెద్ద ఎత్తున కొత్త విమానాలకు ఆర్డర్లు ఇవ్వటంతో పాటు అంతర్గతంగా కూడా భారీ మార్పులకు శ్రీకారం చుట్టారు.
