టాలీవుడ్ టాప్ హీరోల ఫ్యాన్స్ పై పవన్ కన్ను!
చూస్తుంటే పవన్ కళ్యాణ్ ఒక్క తన ఫ్యాన్స్ నే కాకుండా ఇలా అందరి హీరోల పేర్లు ప్రస్తావించటం ద్వారా వాళ్ళను కూడా తన వైపు తిప్పుకునే పనిలో ఉన్నట్లు కనిపిస్తోంది. జనసేన అధినేత పవన్ కళ్యాణ్ టాలీవుడ్ లోని కీలక హీరో ల పేర్లు చెపుతున్నా కూడా ఎన్నికల విషయానికి వచ్చేటప్పటికి ఎవరూ బయటికి వచ్చి ప్రకటనలు చేసే పరిస్థితి ఉండదు. ఈ విషయం పవన్ కళ్యాణ్ కు కూడా తెలుసు. ఎక్కదవరకో ఎందుకు స్వయంగా మెగాస్టార్ చిరంజీవి కూడా తాను ఆంధ్ర ప్రదేశ్ రాజకీయాల విషయంలో తటస్థంగా ఉంటానని కొద్ది రోజుల క్రితం ఒక ఇంటర్వ్యూ లో చెప్పారు. అంతకు ముందు తన తమ్ముడికి కాకుండా మరొకరికి తన మద్దదు ఎలా ఉంటుంది అని ప్రశ్నించారు. ఇలా చిరంజీవే తన సొంత తమ్ముడి విషయంలో ఊగిసలాట ధోరణి చూపిస్తున్నారు. పవన్ కళ్యాణ్ మాత్రం ఈ సారి నేరుగా తన వంతు ప్రయత్నాలు తాను చేస్తున్నారు. మరి ఇవి ఏ మేరకు ఫలితాన్ని ఇస్తాయి అన్నది ఎన్నికల తర్వాత కానీ తేలదు. అయితే పవన్ కళ్యాణ్ నేరుగా కీలక హీరో ల పేర్లు ప్రస్తావించి మాట్లాడటం వల్ల ఎంతో కొంత ప్రయోజనం ఉండటం ఖాయం అనే అభిప్రాయం కొంత మంది వ్యక్తం చేస్తున్నారు.
