రేవంత్ రెడ్డి నోట..సీతక్క సీఎం మాట
తెలంగాణ లో కాంగ్రెస్ అధికారంలోకి వస్తే దళితులు, గిరిజనులకు డిప్యూటీ సీఎం పదవి ఇవ్వాలని కొంత మంది ఎన్ఆర్ఐలు కోరగా రేవంత్ షాకింగ్ రిప్లై ఇచ్చారు. అవసరమైతే సీతక్కను సీఎం చేస్తామన్నారు. కాంగ్రెస్ పార్టీ పేదల పక్షాన, ఎస్సీ, ఎస్టీల పక్షాన నిలుస్తుందన్నారు. దళితుడైన మల్లికార్జున ఖర్గేను కాంగ్రెస్ పార్టీ జాతీయ అధ్యక్షుడిని చేసిందన్నారు. కాంగ్రెస్ పార్టీ ఎప్పుడూ దళితులు, గిరిజనులకు అనుకూలంగా ఉంటుంది అన్నారు. కాంగ్రెస్ పార్టీలో ఎవరైనా ముఖ్యమంత్రులు కావొచ్చన్నారు. పని చేసే వారికి గౌరవం కచ్చితంగా దక్కుతుందన్నారు. వచ్చే ఎన్నికల్లో కాంగ్రెస్ పార్టీ అధికారంలోకి రావడం ఖాయమని రేవంత్ రెడ్డి ధీమా వ్యక్తం చేశారు. అవసరం అయితే సీతక్కను సీఎం చేస్తాం అని రేవంత్ రెడ్డి చేసిన కామెంట్స్ చాలా మంది నేతలకు షాక్ అనే చెప్పొచ్చు అంటున్నారు ఆ పార్టీ నేతలు . తానా మీటింగ్ లో రేవంత్ రెడ్డి ఆంధ్ర ప్రదేశ్ కు సంబంధించి కూడా కీలక వ్యాఖ్యలు చేశారు. కాంగ్రెస్ పార్టీ నే పోలవరం, అమరావతి ప్రాజెక్ట్ లను పూర్తి చేస్తుంది అని ప్రకటించారు. రాహుల్ గాంధీ ఇదే విషయాన్నీ చెప్పారని...కేంద్రంలో అధికారంలోకి వచ్చేది కూడా కాంగ్రెస్ పార్టీ నే అని...తమ పార్టీనే వీటిని పూర్తి చేస్తుంది అని వెల్లడించారు.
