ఐటి హబ్ కు న్యూ లుక్
బహుళ ప్రయోజన ప్రాజెక్ట్ గా ఈ టి స్క్వేర్ ను అభివృద్ధి చేయాలని ప్రతిపాదించారు. అత్యంత వేగంగా అభివృద్ధి చెందుతున్న ప్రాంతం అయిన రాయదుర్గం ఏరియా లో వివిధ వర్గాల ప్రజలకు అవసరం అయిన పబ్లిక్ ప్లేస్ ల తో పాటు ఇతర సౌకర్యాల కొరత ఉంది అని..కొత్తగా ప్రతిపాదించిన ఈ ప్రాజెక్ట్ తో ఈ సమస్య తీరుతుంది అని భావిస్తున్నారు. టి స్క్వేర్ ఒక వైపు ప్రముఖ పర్యాటక ప్రాంతంగా ఉండటంతో పాటు ఇతర వాణిజ్య అవసరాలు, ఎంటర్ టైన్ మెంట్ హబ్స్ కు ఈ ప్రాంతం కీలకం కానుంది. ప్రైవేట్ డెవలపర్ తో ఈ ప్రాజెక్ట్ ను అభివృద్ధి చేయాలని ప్రతిపాదించారు. ప్రతిపాదిత ప్రాజెక్ట్ తో హైదరాబాద్ లో ఇది ఒక ప్రత్యేక ఆకర్షణగా మారటం ఖాయం అనే అభిప్రాయం వ్యక్తం అవుతోంది.
