ఏపీ లో కూడా టీడీపీ, జనసేనలే !
అయితే బీజేపీ వీళ్ళతో జత కడుతుందా లేదా అన్నది ఇప్పటివరకు స్పష్టత లేదు. తాజాగా కిషన్ రెడ్డి ప్రకటన చూస్తే ఆంధ్ర ప్రదేశ్ లో కూడా బీజేపీ, జనసేన తో కలిసి ముందుకు సాగే అవకాశం లేదు అనే అంచనాలు వెలువడుతున్నాయి. ఒక్క ప్రకటన ఎన్నో అనుమానాలకు స్పష్టత ఇచ్చినట్లు అయింది అనే చర్చ రాజకీయ వర్గాల్లో సాగుతోంది. జాతీయ స్థాయిలో అండదండలు ఉంటాయనే కారణంతో టీడీపీ, జనసేనలు బీజేపీ ఓకే అంటే మాత్రం కలిసి ముందుకు సాగటానికి సిద్ధంగా ఉన్నట్లు వార్తలు వచ్చిన విషయం తెలిసిందే. తెలంగాణాలో జనసేనతో పొత్తును తెంచుకుని మళ్ళీ ఆంధ్ర ప్రదేశ్ లో ఆ పార్టీ ఉన్న కూటమిలో చేరే అవకాశాలు లేకపోవటంతో బీజేపీ పొత్తుకు దూరంగా ఉండే అవకాశం ఉంది అని భావిస్తున్నారు. దీంతో ఇక టీడీపీ, జనసేన లు ఉమ్మడి ప్రణాళికలు...సీట్ల షేరింగ్ తో ముందుకు సాగే అవకాశం ఉంది అని భావిస్తున్నారు. వచ్చే లోక్ సభ ఎన్నికల్లో తెలంగాణాలో అధిక సీట్లు గెలుపే లక్ష్యంగా పనిచేయనున్నట్లు కిషన్ రెడ్డి ప్రకటించారు. కేంద్రంలో మూడవసారి కూడా మోడీ సర్కారు ఏర్పాటు అవుతుంది అని అయన ధీమా వ్యక్తం చేశారు.
