గురే కాదు..లెక్కలూ తప్పాయి.

బిఆర్ఎస్ వర్కింగ్ ప్రెసిడెంట్, మంత్రి కేటీఆర్ లెక్క తప్పింది ...గురి కూడా తప్పింది. ఎగ్జిట్ పోల్స్ అన్ని ట్రాష్ అంటూ విమర్శలు చేసిన ఆయన..కౌంటింగ్ ముందు రోజు కూడా ఈ ఫోటో ను సోషల్ మీడియా లో షేర్ చేస్తూ హ్యాట్రిక్ లోడింగ్..సెలెబ్రేషన్స్ కు సిద్ధం కావాలి అంటూ పోస్ట్ పెట్టారు. కానీ వాస్తవ ఫలితాల దగ్గరికి వచ్చే సరికి కేటీఆర్ లెక్కలు అన్ని పల్టీ కొట్టాయి. కొద్ది రోజుల క్రితం కేటీఆర్ ఇండియా వరల్డ్ కప్ కొట్టడం ఖాయం...బిఆర్ఎస్ హ్యాట్రిక్ విజయం సాధించటం ఖాయం అంటూ చెప్పారు. కానీ క్రికెట్ వరల్డ్ కప్ లో ఏమి అయిందో అందరికి తెలుసు. ఇప్పుడు తెలంగాణ అసెంబ్లీ ఎన్నికల ఫలితాల్లోనూ కేటీఆర్ చెప్పిన దానికి బిన్నంగా ప్రజలు తీర్పు ఇచ్చారు అనే చెప్పాలి. ఇవి అన్నీ చూసిన వాళ్ళు పదేళ్లుగా అధికారంలో ఉన్న కేటీఆర్ వాస్తవాలకు ఎంత దూరంగా ఉన్నారో అర్ధం చేసుకోవచ్చు అంటూ కామెంట్ చేస్తున్నారు.