కేటీఆర్ లో బయటపడుతున్న కొత్త కొత్త షేడ్స్
అంటే ఎన్నికల్లో ఎలాగోలా యువతను నమ్మించేందుకు ఈ తిప్పలు అన్న మాట. కేటీఆర్ లో ఉన్న డిఫరెంట్ షేడ్స్ కూడా ఈ మధ్య వరసగా బయటపడుతున్నాయి. ఇటీవల ఖమ్మంలో దివంగత ఎన్టీఆర్ విగ్రహం ఆవిష్కరించిన కేటీఆర్ మాట్లాడుతూ తారక రామారావు అనే పేరు లోనే ఏదో వైబ్రేషన్ ఉంది అని... ఈ పేరు ఉన్న తాను ఇప్పటికే రెండు సార్లు మంత్రి అయినట్లు వ్యాఖ్యానించారు. ఇందులో ఏ మాత్రం నిజం లేదు..ఇది అవసరం కోసం మాట్లాడిన మాటలు అనే విషయం తర్వాత బయటకు వచ్చింది. అది ఎలా అంటే గతంలో ఒకసారి ఓపెన్ హార్ట్ విత్ ఆర్కే కార్యక్రమంలో పాల్గొన్న కెటిఆర్ తనకు ఈ పేరు ఏ మాత్రం ఇష్టం లేదు అని...పేరు మార్చమని తన తాతతో గొడవపడినట్లు అందులో చెప్పటం కేటీఆర్ డబల్ స్టాండర్డ్స్ కు ఒక ఉదాహరణగా చెప్పుకోవచ్చు. ఇది ఇలా ఉంటే దగ్గర దగ్గర లక్ష కోట్ల రూపాయలు ఖర్చుపెట్టి కట్టిన కాళేశ్వరం ప్రాజెక్ట్ లో వరసగా వెల్లడవుతున్న లోపాలను కూడా మంత్రి కేటీఆర్ చాలా తక్కువ చేసి చూపించే ప్రయత్నం చేస్తున్నారు. ముందు ఇందులో కుట్ర కోణం అన్న అంశాన్ని తెరపైకి తెచ్చారు..కానీ తర్వాత అసలు విషయం వెలుగులోకి వచ్చింది. అయితే మంత్రి కేటీఆర్ చెప్పినట్లు డిజైన్ల లోపం కారణంగా వచ్చిన ఈ సమస్యలకు ఏ నిర్మాణ కంపెనీ కూడా బాధ్యత వహించదు అని ఇంజనీరింగ్ నిపుణులు చెపుతున్నారు. కానీ కేటీఆర్ మాత్రం ప్రభుత్వం పై భారం లేకుండా వెలుగులోకి వచ్చిన లోపాలను ఆయా కంపెనీలే సరి చేస్తాయని చెప్పుకుంటూ వస్తున్నారు. అసలు ఇంత ప్రతిష్టాత్మకమైన నిర్మించిన ప్రాజెక్ట్ నిండా ఐదేళ్లు కూడా పూర్తి చేసు కోకుండానే భారీ లోపాలు బహిర్గతం కావటం అన్న దానిపై మాత్రం కెటిఆర్ సైలెంట్ గా ఉంటారు. ఇలా ప్రతి విషయంలో అబద్దాలు చెప్పుకుంటూ పోతే రేపు రేపు నిజాలు చెప్పినా అనుమానించాల్సిన పరిస్థితి వస్తుంది అని బిఆర్ఎస్ నేత ఒకరు అభిప్రాయపడ్డారు.
