నగరంలో మరో ప్రతిష్టాత్మక ప్రాజెక్ట్
రాబోయే రోజుల్లో కూడా హైదరాబాద్ ను ఐటి రంగంలో ఉన్నత స్థానంలో నిలిపేందుకు నగరంలో ఆర్టిఫిషియల్ ఇంటెలిజెన్స్ సిటీ ఏర్పాటు కోసం రెండు వందల ఎకరాల భూమి కేటాయించినట్లు తెలంగాణ ఐటి , పరిశ్రమల శాఖ మంత్రి శ్రీధర్ బాబు వెల్లడించారు. జులై లో హైదరాబాద్ కేంద్రంగా ఆర్టిఫిషియల్ ఇంటెలిజెన్స్ పై సదస్సు నిర్వహించనున్నట్లు తెలిపారు. ఏఐ రంగానికి సంబంధించిన కొత్త ఆవిష్కరణలు, పరిశోధనలకు అవకాశం కలిపించేందుకు ఈ యూనివర్సిటీ దోహదం చేయనుంది. బహుశా దేశంలో ఇప్పటి వరకు ఏ రాష్ట్రము కూడా ఈ దిశగా ముందడుగు వేసినట్లు లేదు అనే చెప్పాలి. ఉత్తర ప్రదేశ్ లోని లక్నో లో కేవలం నలబై ఎకరాల్లో కూడా ఇలాంటి ప్రతిపాదన చేశారు. కానీ తెలంగాణ సర్కారు 200 ఎకరాల్లో ఈ ప్రాజెక్ట్ ను అమలు చేయాలని నిర్ణయించటంతో దేశంలో ఇదే అతి పెద్ద ఏఐ సిటీ గా అవతరించే అవకాశం ఉంది.
