రేవంత్ రెడ్డికి అభినంద‌న‌ల వెల్లువ‌

తెలంగాణ నూత‌న పీసీసీ ప్రెసిడెంట్ రేవంత్ రెడ్డికి పార్టీ నాయ‌కులు..కార్య‌క‌ర్త‌ల నుంచి అభినంద‌న‌లు వెల్లువెత్తుతున్నాయి. జూబ్లీహిల్స్‌లోని ఎంపీ కార్యాల‌యానికి జిల్లాల నుంచి పెద్ద ఎత్తున త‌ర‌లివ‌స్తున్నారు. మాజీ ఎంపీలు సిరిసిల్ల రాజ‌య్య‌, మ‌ల్లుర‌వి, మాజీ మంత్రి ష‌బ్బీర్ అలీ, అద్దంకి ద‌యాక‌ర్ , బెల్ల‌య్య‌నాయ‌క్‌లు రేవంత్ ను క‌ల‌సి అభినంద‌న‌లు తెలిపారు. వీరీతోపాటు రేవంత్ రెడ్డిని మేడ్చ‌ల్‌, నాగ‌ర్‌క‌ర్నూలు, రంగారెడ్డి, క‌రీంన‌గ‌ర్‌, పెద్ద ప‌ల్లి జిల్లా కాంగ్రెస్ అధ్య‌క్షులు కూడా క‌లిశారు. నూత‌న టిపిసిసి అధ్య‌క్షులు రేవంత్ రెడ్డికి మంద‌కృష్ణ‌మాదిగ ఫోన్‌లో అభినంద‌న‌లు తెలియజేశారు.