మోడీ కోసం రష్మిక పెయిడ్ ప్రమోషన్!
తొలుత అటల్ సేతు ప్రాజెక్ట్ గురించి మాట్లాడితే దానిపై ప్రయాణించి తన అనుభవాన్ని షేర్ చేసుకున్నారు అని ఎక్కువ మంది భావించారు. కానీ తర్వాత వీడియో చూస్తే ఇది మోడీ ప్రభుత్వం కోసం చేసినట్లు కనిపిస్తోంది అనే అభిప్రాయం వ్యక్తం అవుతోంది. ఆమె కేవలం అభివృద్ధి గురించి చెప్పి ఆగిపోలేదు...యువ భారతం అత్యంత వేగంగా..తెలివిగా దూసుకెళుతోంది. ఇప్పుడు మనం అభివృద్ధికి ఓటు వేయాలంటూ ఆమె పిలుపునిచ్చారు. ఇదే కారణంతో రష్మిక పై కొంత మంది సోషల్ మీడియా లో ఆమె పై విమర్శలు గుప్పిస్తున్నారు. మణిపూర్ లో మహిళలపై దారుణమైన దాడులు జరిగినప్పుడు ఎందుకు మాట్లాడలేదు...మోడీ యువతకు ఇస్తానన్న కోట్ల ఉద్యోగాలు ఇవ్వకుండా...దేశంలో పెద్ద ఎత్తున నిరుద్యోగ సమస్యకు కారణం అయిన విషయం కనపడదా అంటూ ఎటాక్ స్టార్ట్ చేశారు. మరి కొంత మంది రష్మిక కు మద్దతుగా నిలిచిన వాళ్ళు కూడా ఉన్నారు. ఇక్కడ మరో విచిత్రం ఏమిటి అంటే రష్మిక మందన్న షేర్ చేసిన వీడియో పై ప్రధాని నరేంద్ర మోడీ కూడా స్పందించారు. ఆమె వీడియో ను మోడీ తన ఎక్స్ ఖాతాలో షేర్ చేసి ...ప్రజల జీవితాలను మెరుగుపర్చడం...వారి జీవితాలను అనుసంధానం చేయటం కంటే సంతృప్తి ఏమి ఉంటుంది అని పోస్ట్ పెట్టారు. ఇది అంతా చూస్తే ఈ వ్యవహారం ఒక ప్లాన్ ప్రకారమే సాగినట్లు కనిపిస్తోంది అనే చర్చ సాగుతోంది.
