దిగొచ్చిన డొనాల్డ్ ట్రంప్

అమెరికా ఎన్నికల్లో ఓటమి పాలైనా ఇప్పటివరకూ అధికార మార్పిడికి ససేమిరా అంటూ వస్తున్న డొనాల్డ్ ట్రంప్ మెట్టు దిగారు. తాజాగా వరస పెట్టి ట్వీట్లు చేస్తూ అధికార మార్పిడికి సహకరించాల్సిందిగా అధికారులను ఆదేశించినట్లు తెలిపారు. అదే సమయంలో తన న్యాయపోరాటం కొనసాగుతుందని తెలిపారు. ఎన్నికల ఫలితాల అనంతరం డొనాల్డ్ ట్రంప్ వ్యవహరించిన తీరుపై తీవ్ర విమర్శలు వెల్లువెత్తాయి. చివరకు సొంత పార్టీ నేతలు కూడా ట్రంప్ తీరును తప్పుపడుతూ ఓటమిని అంగీకరించాల్సిందిగా సూచించారు. ఎట్టకేలకు ట్రంప్ తన మనసు మార్చుకున్నారు. అంతే కాదు..అధికార మార్పిడి ప్రక్రియను ప్రారంభించడానికి ట్రంప్ పరిపాలన సిద్ధంగా ఉందని, జనరల్ సర్వీసెస్ అడ్మినిస్ట్రేటర్ ఎమిలీ మర్ఫీ అన్నారు. అధ్యక్షుడిగా ఎన్నికైన బైడెన్‌కు ఎమిలీ మర్ఫీ లేఖ రాసిన కొన్ని గంటల తర్వాత సోమవారం ట్రంప్ ట్వీట్లు చేశారు."చట్టం అందుబాటులో ఉన్న వాస్తవాల ఆధారంగా నేను స్వతంత్రంగా నా నిర్ణయానికి వచ్చాను. నా నిర్ణయం సమయానికి సంబంధించి - వైట్ హౌస్ లేదా జిఎస్ఎలో పనిచేసే వారితో సహా - ఏ ఎగ్జిక్యూటివ్ బ్రాంచ్ అధికారిని నేను ప్రత్యక్షంగా లేదా పరోక్షంగా ఒత్తిడి చేయలేదు.

స్పష్టంగా చెప్పాలంటే, నా సంకల్పం ఆలస్యం కావడానికి నాకు ఎటువంటి ఇబ్బంది రాలేదు " అని మర్ఫీ తన లేఖలో పేర్కొన్నట్లు పలు వార్తా సంస్థలు వెల్లడించాయి.అధికార బదిలీకి సంబంధించిన ప్రక్రియ ఆలస్యం చేయడంతో మర్ఫీ చాలా విమర్శలకు గురయ్యారు. 'చట్టపరమైన వివాదాలు, ఫలితాలను వైట్‌ హౌస్‌ నిర్దేశించదు, అలాంటి చర్యలు సహేతుకమైనవా? సమర్థించబడుతున్నాయా? నిర్ణయించదు" అని మర్ఫీ తన లేఖలో రాశారు. "ఇవి రాజ్యాంగం, సమాఖ్య చట్టాలు, రాష్ట్ర చట్టాలు ఎన్నికల ధ్రువీకరణ ప్రక్రియకు మరియు సమర్థ న్యాయస్థానాల నిర్ణయాలకు సంబంధించిన సమస్యలు. సమాఖ్య సేకరణ, ఆస్తి నిర్వహణను మెరుగుపర్చడానికి అభియోగాలు మోపిన ఏజెన్సీ రాజ్యాంగపరంగా పైన ఉండాలని నేను అనుకోను'అని మర్ఫీ అన్నారు.

ఇదిలా ఉంటే అధికార మార్పడిపై ట్రంప్ రెండు ట్వీట్స్ చేశారు , అందులో మర్ఫీ చేసిన సేవలకు కి కృతజ్ఞతలు తెలిపారు. 'మా దేశానికి ఆమె అంకితభావం మరియు విధేయత కోసం వైట్‌హౌస్‌ వద్ద ఎమిలీ మర్ఫీకి నేను కృతజ్ఞతలు చెప్పాలనుకుంటున్నాను. ఆమె వేధింపులకు గురైంది. ఇది ఆమెకు, ఆమె కుటుంబానికి లేదా జీఎస్‌ఏ ఉద్యోగులకు ఇది జరగకూడదని నేను కోరుకుంటున్నాను. మేము పోరాటాన్ని కొనసాగిస్తున్నాము..మేము విజయం సాధిస్తామని నేను నమ్ముతున్నాను' అని ట్రంప్ ట్విట్టర్‌లో పేర్కొన్నారు 'దేశ ప్రయోజనాల దృష్ట్యా ఎమిలీ, ఆమె టీమ్‌ ఏమి చేయాలో అది చేస్తోంది. నేను వారికి సహకరిస్తాను. ప్రోటోకాల్‌ను పాటిస్తాను' అని మరొక ట్వీట్‌లో పేర్కొన్నారు. దీంతో గత కొన్ని రోజులుగా సాగుతున్న ఉత్కంఠకు తెరపడింది.