చిరు జోస్యం నిజం అయిందా?!

ఒకప్పుడు కాంగ్రెస్ లో ఉన్న మెగాస్టార్ చిరంజీవి..కేంద్ర మంత్రి గా కూడా పనిచేసిన విషయం తెలిసిందే. తర్వాత ఆ పార్టీ కి దూరంగా ఉంటూ వస్తున్నారు. ఇప్పుడు నేరుగా రాజకీయాల్లో లేకపోయినా ...అయన గాడ్ ఫాదర్ సినిమాలో చెప్పినట్లు రాజకీయాలు అయన చుట్టూ తిరుగుతూనే ఉన్నాయి. కొద్ది రోజుల క్రితం ఆంధ్ర ప్రదేశ్ లో జరిగిన అల్లూరి సీతారామ రాజు విగ్రహావిష్కరణ కార్యక్రమానికి చిరంజీవికి కూడా ప్రత్యేక ఆహ్వానం దక్కిన విషయం తెలిసిందే. ప్రధాని మోడీ తో పాటు అయన కూడా ఈ కార్యక్రమం లో కూడా పాల్గొన్నారు. తాజాగా చిరంజీవి తన తనయుడు, హీరో రామ్ చరణ్ తో కలిసి కేంద్ర హోమ్ మంత్రి అమిత్ షా తో భేటీ అయినా విషయం తెలిసిందే. మరో వైపు తన తమ్ముడు, పవర్ స్టార్ పవన్ కళ్యాణ్ కు చెందిన జనసేన పార్టీ విషయంలో అయన తన సినిమాల అప్పుడు ఒకలా...తర్వాత మరోలా మాట్లాడుతూ విమర్శలు ఎదుర్కొంటున్న విషయం తెలిసిందే. ఇది ఇలా ఉంటే ప్రధాని మోడీ పై గతంలో మోడీ పై చేసిన వ్యాఖ్యల వీడియో ఒకటి వాట్సాప్ లో చక్కర్లు కొడుతోంది. ఇందులో పలు సంచలన అంశాలు ఉన్నాయి. ఇది చుసిన వారు ఇప్పుడు కూడా చిరంజీవి ఇదే అభిప్రాయంతో ఉన్నారా అంటూ కామెంట్స్ చేస్తున్నాడు.

ఆ వీడియో లో చిరు కామెంట్స్ ఇలా ఉన్నాయి. ‘వెయ్యి ఎలకలు తిన్న పిల్లి కాశీకి పోయినట్లుగా ఈ రోజు అయన కాశీలోని పోటీ చేస్తున్నారు. అయన విషయం తెలియంది కాదు. అయన హిట్లర్ అని అన్నాను. మరో సారి ఆ మాట అనటానికి వెనకంజ వేయను. నియంత. భారతీయ జనతా పార్టీ. అలాంటి పార్టీలో ఏ ఒక్కరి ప్రాతినిధ్యం లేకుండా ఒక మోడీ ..ఒక కమలం ఫొటోతో బీజేపీ కి ఓటు వేయండి అని చెపుతున్నారు. ఇది చూస్తుంటే ఇదీ మోడీ తత్వం..హిట్లర్ తత్వం తప్ప మరొకటి కాదు. అలాంటి వ్యక్తులతో ఎలాంటి ప్రమాదం ఉందో అర్ధం చేసుకోవచ్చు. భవిష్యత్తులో అయన ఎవరిని కనపడనీయకుండా చేస్తారు. అద్వానీ లాంటి మనిషి కన్నీళ్లు పెట్టుకున్నాడు. మనోహర్ జోషి కన్నీళ్లు పెట్టుకున్నాడు. అలాగే జస్వంత్ సిన్హా కన్నీళ్లు పెట్టుకున్నారు. ఇది నేను చెప్పటం కాదు...మీరు ..మీడియా మాకు చెప్పింది. అలాంటి మనిషి నిజంగా వస్తే కనుక వాళ్ళ లీడర్స్ ఇప్పుడు కన్నీళ్లు పెట్టుకున్నారు...రేపు ప్రజలు కూడా కన్నీళ్లు పెట్టుకుంటారు. ఇవి అన్ని ఏంటి అంటే మోడీ కి నేరుగా , పరోక్షంగా ఎవరైతే మద్దతు ఇస్తున్నారో అలాంటి వాళ్ళు అందరూ కూడా ఆలోచించాల్సిన అవసరం ఉంది. ’ అంటూ కామెంట్స్ చేశారు.