వాల్తేర్ వీరయ్య 183 కోట్లు..వీరసింహారెడ్డి 121 కోట్లు

బహుశా వాల్తేర్ వీరయ్య సినిమా ఈ స్థాయిలో వసూళ్లు సాధిస్తుంది అని హీరో చిరంజీవి కూడా ఉహించి ఉండరు. నిజంగానే అంచనాలను అధిగమించి మరి ఈ సినిమా దుమ్ము రేపుతోంది. సంక్రాంతి బరిలో నిలిచిన వాల్తేర్ వీరయ్య సినిమా తొమ్మిది రోజులకు అంటే..జనవరి 21 నాటికి ప్రపంచ వ్యాప్తంగా 182 .75 కోట్ల రూపాయల గ్రాస్..106 .72 కోట్ల రూపాయల షేర్ సాధించింది. ఈ ఆదివారం నాటి కలెక్షన్స్..థియేట్రికల్ రన్ పూర్తయ్యే నాటికి వాల్తేర్ వీరయ్య ఈజీగా 200 కోట్ల రూపాయల గ్రాస్ సాదిస్తుందని అంచనాలు ఉన్నాయి. వాల్తేర్ వీరయ్య వసూళ్లతో చిత్ర యూనిట్ ఫుల్ ఖుషీగా ఉంది. ఇప్పటికే ఈ సినిమా ఫుల్ ప్రాఫిట్స్ లోకి వచ్చింది. ఇది ఖచ్ఛితంగా చిరంజీవి తదుపరి ప్రాజెక్టులకు ఉపయోగపడుతుంది అని మెగా ఫాన్స్ ఆనందంలో ఉన్నాయి.

సంక్రాంతి బరిలో నిలిచి వాల్తేరు వీరయ్య కంటే ఒక రోజు ముందు అంటే జనవరి 12 న విడుదల అయిన నందమూరి బాలకృష్ణ నటించిన వీరసింహారెడ్డి పది రోజులకు గాను 121 కోట్ల రూపాయల గ్రాస్...72 .24 కోట్ల రూపాయల షేర్ సాధించింది. ఇప్పటికి వీరసింహ రెడ్డి తో పోలిస్తే వాల్తేర్ వీరయ్య వసూళ్లే ఎక్కువ ఉన్నాయి. అయితే ఈ రెండు సినిమాలకు ఇక సోమవారం నుంచి వసూళ్లు గణనీయంగా తగ్గుముఖం పట్టనున్నాయి. మైత్రి మూవీ మేకర్స్ ఒకే సారి రెండు పెద్ద సినిమాలను విడుదల చేసి అందులోనూ విజయం సాధించటం టాలీవుడ్ లో ఒక సంచలనంగా చెప్పుకోవచ్చు.