టాప్ ఫైవ్ సినిమాల జాభితాలో పఠాన్ కు చోటు

వివాదాలతో మొదలైన షారుఖ్ ఖాన్ సినిమా పఠాన్ ఇప్పుడు రికార్డులు నెలకొల్పుతోంది. ఈ సినిమా ప్రపంచ వ్యాప్తంగా వెయ్యి కోట్ల రూపాయల గ్రాస్ వసూళ్లు సాధించి దేశంలోనే టాప్ ఫైవ్ సినిమాల జాబితాలో చేరింది. ఇప్పటి వరకు దేశంలో వెయ్యి కోట్ల రూపాయలు వసూలు చేసిన సినిమాలు ఐదు ఉంటే..ఇప్పుడు అందులో పఠాన్ కూడా చేరింది. అమీర్ ఖాన్ దంగల్ ప్రపంచ వ్యాప్తంగా 2000 కోట్ల రూపాయల వసూళ్లు సాధించగా...ఆ తర్వాత వెయ్యి కోట్ల రూపాయల మైలు రాయిని అందుకున్న సినిమాలు బాహుబలి 2, కేజీఎఫ్ 2 , తర్వాత ఆర్ఆర్ఆర్ , ఐదవ సినిమాగా పఠాన్ నిలిచింది. వెయ్యి కోట్ల రూపాయల సినిమాల్లో రెండు ఎస్ఎస్ రాజమౌళి సినిమాలు ఉండటం మరో విశేషం.

జనవరి 25 న ప్రపంచ వ్యాప్తంగా విడుదల ఈ సినిమా ఇండియా లో 623 కోట్ల రూపాయల గ్రాస్, ఓవర్సీస్ లో 377 కోట్ల రూపాయల వసూళ్లు సాధించింది. సిద్దార్థ్ ఆనంద్ దర్శకత్వంలో తెరకెక్కిన ఈ పఠాన్ సినిమా లో షారుఖ్ ఖాన్ కు జోడిగా దీపికా పదుకొనె, విల్లన్ గా జూన్ అబ్రహం లు నటించిన విషయం తెలిసిందే. చాలాకాలంగా సరైన హిట్ లేక ఇబ్బంది పడుతున్న బాలీవుడ్ లో షారుఖ్ ఖాన్ తన పఠాన్ సినిమా ద్వారా తిరిగి జోష్ తెచ్చాడని చెప్పొచ్చు. ఒక వైపు సౌత్ సినిమాలు దుమ్ము రేపుతుంటే ఇటీవల బాలీవుడ్ సినిమాలు బాక్స్ ఆఫీస్ వద్ద బోల్తా కొడుతూ వచ్చాయి.