పూనమ్ పాండే అరెస్ట్

గత కొన్ని రోజులుగా పూనమ్ పాండే వ్యవహారం వార్తల్లోకి ఎక్కింది. ప్రభుత్వ స్థలంలో ఎలాంటి అనుమతి లేకుండా పోర్న్ వీడియో షూటింగ్ చేయటం..అది కాస్తా సోషల్ మీడియాకు ఎక్కటంతో వివాదం మొదలైంది. దీంతో గోవా పోలీసులు గురువారం నాడు ఆమెను అరెస్ట్ చేశారు. పూనమ్‌ ఇటీవల గోవాలోని చపోలి ఆనకట్ట వద్ద అశ్లీల వీడియోను చిత్రీకరించిందని ఆరోపిస్తూ ఫార్వర్డ్ పార్టీ మహిళా విభాగం ఆమెపై ఫిర్యాదు చేసింది. దీనికి తోడు పూనమ్‌ పాండేపై అసభ్యకరమైన వీడియోను చిత్రీకరించినందుకు ఓ గుర్తుతెలియని వ్యక్తిపై మరో కేసు నమోదైంది. గోవా సంస్కృతి, చ‌పోలీ డ్యామ్ ప‌విత్ర‌త‌ను దెబ్బ తీసేలా ప్ర‌వ‌ర్తించినందుకే కేసు పెట్టామ‌ని గోవా ఫార్వ‌ర్డ్ మ‌హిళా విభాగం పేర్కొంది.

ఫార్వర్డ్ పార్టీ ఫిర్యాదు మేరకు పూనమ్‌ను అరెస్ట్‌ చేసినట్లు పోలీసులు తెలిపారు. గతంలో పూనమ్ పాండే తన భర్త సామ్ బాంబే పై దక్షిణ గోవాలోని కెనకోనా పోలీస్ స్టేషన్‌లో కేసు పెట్టిన విషయం తెలిసిందే.సామ్ అహ్మద్ తనపై దాడి చేసి, చెంపదెబ్బ కొట్టినట్లు పూనమ్ ఆరోపించింది. ఆ తర్వాత సామ్ బాంబే బెయిల్ పై విడుదలయ్యాడు. ఇది జరిగిన కొద్ది రోజులకే పూన‌మ్‌ మ‌న‌సు మార్చుకొని భ‌ర్త‌తో క‌లిసిపోయి అంద‌రినీ ఆశ్చ‌ర్య పరిచింది. గత కొన్ని రోజులుగా పూనమ్ వీడియో చిత్రీకరణ వ్యవహారం హాట్ డిస్కషన్ గా మారింది.