బాలయ్య ఫ్యాన్స్ మనోభావాలు దెబ్బతీసిన మైత్రీ మూవీ మేకర్స్ !
వీరసింహారెడ్డి కి పలు కీలక ప్రాంతాల్లో థియేటర్ లు తగ్గటానికి దిల్ రాజు నిర్మించిన వారసుడు సినిమా ఒక కారణం అయింది అని టాలీవుడ్ వర్గాలు చెపుతున్నాయి. అయినా ఈ రెండు సినిమాలు ఇంకా వారి వారి రేంజ్ లో ఇంకా వసూళ్లు సాధిస్తున్నాయి. ఈ రెండు సినిమాల వసూళ్ల లెక్కల రచ్చలో అక్కడక్కడా తెలుగు దేశం అభిమానులు కూడా తలో చేయి వేస్తున్నారు. వాస్తవానికి ఈ రెండు సినిమాల కథల్లో ఎక్కడా పెద్ద కొత్తదనం కానీ..జోష్ కానీ కనిపించవు. కేవలం పండగ సెలవులు...ఆయా పెద్ద హీరోల కున్న ఫ్యాన్స్ బేస్ కారణంగానే ఈ విజయాలు సాధ్యం అయ్యాయనే అంచనాలు ఉన్నాయి. మరో విశేషం ఏమిటి అంటే రెండు సినిమాలు కూడా లాభాల బాటలోకి రావటం ఇక్కడ ఇద్దరు హీరోల ఫ్యాన్స్ కు సంతోషం కలిగించే పరిణామంగా చెప్పుకోవచ్చు. అయితే థియేట్రికల్ రన్ పూర్తి అయిన తర్వాత రెండు సినిమాల వసూళ్లు ఎంత అన్నది ఇప్పుడు కీలకం కానుంది.సెలవులు పూర్తి అయినా ఇంకా రెండు సినిమాల వసూళ్లు ఆశాజనకంగానే ఉన్నాయని టాలీవుడ్ వర్గాలు చెపుతున్నాయి.
